名門讌客 (裝修中)

入葵芳探好姐妹 晚飯就去左呢間名門到食~我地4個人,佢地有個套餐係四餸一湯$198,有湯,燒味,海鮮,同兩個小菜俾你選..都幾抵...我地食左粟米魚肚羹,燒味拼盆,cheese生蝦衣麵,生炒骨同雞粒豆腐煲~我地都覺得咁既價錢食到咁樣真係幾抵,份量又足夠,味道碟碟都唔差~係酒樓食到呢個質素我覺得幾好架啦~見到之前有d食評話佢地服務態度唔好,但我地今次去又唔係咁認為wow,坐底落order個陣就有個黑衫行過黎同我地介紹下d野食,同佢都幾好傾~之後先知原來佢係經理黎既姓楊 其他侍應就一般啦~唔會話服務特差既而且名門裝修幾靚,空間都闊落,幾好坐~食個陣見到其他客叫d蝦,青斑,好似都幾好食,下次會叫黎試下下次去葵芳食晚飯我會再拉埋姐妹食名門lor~整體唔錯~至緊要唔貴!