牛記茶室 (已搬遷) 新店位置

連續的下雨天，人都變得很悶。約了朋友晚上在中環的大排檔吃小炒，但放工時仍下著綿綿細雨，因為唔想食完餐飯後成身濕哂，兜了一圈仍選擇在牛記落腳。雖然是下雨天，牛記的生意還是不錯，約每10分鐘便有一枱新客。兩個人的晚餐，選了兩個小菜，一個白飯。椒鹽鮮魷：鑊氣夠、魷魚新鮮、脆漿均勻，每一片都很香口，惟獨是炸過的鮮魷與香蒜紅椒很分離，夾起鮮魷時香蒜紅椒就會落碟，未能一併送入口。鹹魚雞粒豆腐煲：好多豆腐、好多雞粒、好多東菇，鹹魚雖然唔多，但足夠令個豆腐煲清淡中帶鹹香，味道剛好。雞粒亦無令個豆腐煲出油，送飯一流。男店員的服務亦不錯，個豆腐煲送上枱時，會用鐵匙羹沿住煲邊兜一兜，以確保啲餸唔會黏底。