八吉 (已結業)

朋友仔剛剛出糧，話帶我去食個好味道的午餐，由於12:45到達餐廳，未是午市人流高峰，順利入座。侍應小姐已遞上熱毛巾抺下手及上熱茶，唔知點解，綠茶好好飲，服務加分。望望隔離左右，他們都是刺身或壽司，但睇睇個MENU都唔平, 平均都要100-250元左右，由於朋友仔請食飯，我唔敢叫咁貴，加上我刺身麻麻地，於是便叫了中價的AGU豬扒飯。等了一陣侍應便送上餐，分別有白飯、豬扒、蒸蛋、沙律、麵豉湯，前菜(唔知乜來)，豬扒醬和一個自磨芝麻，幾特別好有去了日本餐廳感覺，原來新鮮磨的芝麻會散發出芝麻的好香，配合埋醬汁加這AGU 豬扒真係好好味。豬扒應該是師傅剛剛新鮮炸出來的，外皮好脆，肉質雖厚，但入口散化，比起我以前食的炸豬扒，真係大有不同。後來GOOGLE下AGU豬的由來，原來是沖繩來的豬，唔怪得味道和以前食開的豬扒有咁大分別。雖然要$148，但都值得一試高水準的吉豬飯。最後我以為走得，侍應仲話有咖啡茶或雪榚可以揀，咁$148都幾合理。下次再會試下其他定食。