Okinawa Dining BRIDGES (已結業)

每逢有朋友生日或者朋友聚會一定會來呢度食晏，一年會嚟3、4次，平均$300一位，價錢唔算大眾化，但食物質素和份量絕對超值。個人喜歡吃三色飯（海膽、三文魚子和吞拿魚腩），魚生鋪滿飯面，海膽成隻手指公咁大，三文魚子佔咗飯面四份之一，每次食完都好滿足。今日請朋友食生日飯就嚟咗呢度食，地方開始變得殘舊，諗住食物質素好所以都冇所謂。今次都係點三色飯，海膽由手指公size變成指甲一樣大，味道似$88一板D海膽，重要用5大片青瓜氈底，魚子都一樣，我將所以「下欄嘢」夾走哂就放滿咗成個小碗。價錢冇變但食物質素大跌九成..... 慨嘆在香港做生意艱難，又失去了一個食日本菜的好地方。