The Pudding Nouveau (已結業)

一直都聽朋友講大坑好多好野食，但自己對該區又唔熟識，難得朋友得閒，就相約去大坑搵好野。經典英式早餐豐富嘅All day breakfast, 有多士、薯餅、香腸、雜菌、炒蛋、煙肉和沙律菜等等，當中食材都都煎炸過，香口而不感肥膩。雖然平時朝早無乜機會食倒咁豐富嘅早餐，但夜晚食返都幾滿足﹗法式油浸鴨腿配窩夫法式鴨腿嘅外層又鬆又脆，而內裡鮮嫩多汁帶有鹹香，食嘅時侯把跟太陽蛋一齊食，感覺幾特別。若覺得太鹹，可以點少少蜜糖醬把鹹味中和，亦有另一番風味。 雜莓樂園窩夫新鮮焗起，又香又脆嘅窩夫，配上雜莓同埋自家制嘅雪糕球，味道酸酸甜甜，清新開胃﹗士多啤梨冰沙用上新鮮士多啤梨來打，飲嘅時喉有啲細細粒嘅士多啤梨核，甚有口感。岩晒而家啲咁熱嘅天氣。鋪頭雖然唔算特別大，但坐位擺設都唔會迫夾，環境舒適寧靜，最適合同朋友傾計，見到menu仲有好多甜品都好想試，下次有機會一定會再黎。