三點三冰室

營業中

休息中

不可一不可再係新商場難得找到間冰室,而店舖名啱晒我要食下午茶時間，一於試下。入到坐底後，所有野都係全自助😏，沒問題，睇下餐牌先。 睇完基本都係茶餐廳既食物，少有地飲品有 黑牛白牛之類，咁既然難得，加d 錢都飲下啦，之後叫左蕃茄餐肉通既茶餐+黑牛，同一個焗豬扒飯。上餐都算快既，但上來既通粉就唔算熱，似係擺左一陣咁，點解會咁諗，因為呢頭落完單，唔夠5分鐘就先上個餐肉通，但奄列同方包比餐肉通後上，不過都算啦，茶記你仲想點，佐敦茶記名店都係咁上下。之後成篇重點既黑牛上檯，我當堂嚇一跳然後只能苦笑🤣，個杯成杯都係冰面加半球雪糕，可以飲到既可樂分分鐘少過一罐mini coke 飲左兩三啖已經得返杯冰。其實加錢唔係問題，可以有返d 良心。真係個杯裝到幾多冰就裝咁多，等人飲兩啖完就好走。 最後雖然杯黑牛有d 失望整體食物質素係ok ,焗豬扒飯都唔錯，但往事只能回味，我不會再有勇氣再入店了。