Shadowman Cyber Cafe (已結業)

同男友嚟食lunch，要了兩客set lunch：我要了一客咖哩碎牛肉炒飯(38蚊) - 飯炒得乾身，有淡咖哩味，有少少牛肉碎，都算幾大碟，不過味道唔錯所以清哂。男友要了一客cajun butter汁雞扒跟飯(42蚊) - 因為我唔鍾意cajun 汁，所以只試了一小塊雞，雞扒都算滑，煎得唔錯，不過好似唔係好夠熱。跟set lunch有湯，個湯就真係好麻麻，要全唔知係乜湯，又唔似白湯，試到少少薯味...見到有雜菜粒不過切得好好好碎(只係見到橙黃綠點點喺個湯入面)，texture又唔得，仲要差不多食哂個飯先嚟湯，早知唔要都得。另set lunch要凍飲要加5蚊，好似貴咗啲...是日餐廳lunch time full哂，連老細都有三個人喺樓面，不過見佢哋都好忙，因為好多枱都追嘢食/飲...老細係時間諗吓請part time幫手喇。