影片
更多
2019-02-26
7075 瀏覽
今日搞慶功宴，一行12人去左呢間食自助晚餐，1人費用大約$500。呢個價錢我認為係中上，因此都對食物頗有期望。一入餐廳，已經被呢個巨型朱古力噴泉吸引。好少見餐廳會提供2種朱古力，加上分流的設計頗有心思，抵讚。噴泉旁提供多款配料，包括幾款水果，蛋糕及棉花糖。建議用士多啤梨沾滿白色的朱古力醬，脆皮的朱古力漿與微酸的士多啤梨互相配合，做飯前甜品一流！不過要注意，個噴泉既衝力都唔細，記得用籤固定好食物。自助餐有各種水果供應。每款水果都有來自水果本身既香甜，似係冇浸過糖水，抵讚。不過菠蘿對我黎講有點酸。甜品櫃提供既選擇我覺得唔太多。個Oreo蛋糕既cream食落原來有點似薄荷朱古力味既芝士蛋糕，幾特別，值得一試。個人比較推介鮮果撻，滿滿既吉士醬一咬落去有爆漿既感覺，加上又薄又脆既撻皮，好好食啊。隔離仲有個雪糕櫃，今次去提供左2款Häagen-Dazs麻糬雪糕，同埋幾款MöVENPICK雪糕。朋友見到有Crepe, 即刻去左排隊。廚師即叫即整，佢仲好有禮貌甘問你想要加咩配料，比較特別既係花生醬香蕉，原來兩者味道係好夾！濃郁既花生醬味包裹著又軟又甜香蕉，感覺好有層次。Crepe仲可以加雪糕，但廚師只
一入餐廳，已經被呢個巨型朱古力噴泉吸引。好少見餐廳會提供2種朱古力，加上分流的設計頗有心思，抵讚。噴泉旁提供多款配料，包括幾款水果，蛋糕及棉花糖。建議用士多啤梨沾滿白色的朱古力醬，脆皮的朱古力漿與微酸的士多啤梨互相配合，做飯前甜品一流！不過要注意，個噴泉既衝力都唔細，記得用籤固定好食物。
自助餐有各種水果供應。每款水果都有來自水果本身既香甜，似係冇浸過糖水，抵讚。不過菠蘿對我黎講有點酸。
甜品櫃提供既選擇我覺得唔太多。個Oreo蛋糕既cream食落原來有點似薄荷朱古力味既芝士蛋糕，幾特別，值得一試。個人比較推介鮮果撻，滿滿既吉士醬一咬落去有爆漿既感覺，加上又薄又脆既撻皮，好好食啊。
隔離仲有個雪糕櫃，今次去提供左2款Häagen-Dazs麻糬雪糕，同埋幾款MöVENPICK雪糕。
朋友見到有Crepe, 即刻去左排隊。廚師即叫即整，佢仲好有禮貌甘問你想要加咩配料，比較特別既係花生醬香蕉，原來兩者味道係好夾！濃郁既花生醬味包裹著又軟又甜香蕉，感覺好有層次。
Crepe仲可以加雪糕，但廚師只有雲呢拿味及芒果味提供，我見有人係雪糕櫃拎左個MöVENPICK直接倒落去個Crepe到。
串燒區，對我來說食物種類不太吸引，冇食到。
生蠔好新鮮好肥美。
海鮮區。
壽司區。
沙律吧。
迷你點心。第二層果個幾特別，似係炸甜甜地既日式年糕，外脆內煙韌。
總括黎講，呢間自助餐食品款式其實唔多，而且食物都冇咩特別吸引，呢個價錢黎講我覺得可以更好，不過好在地點方便。
張貼
