影片
更多
2017-10-27
100 瀏覽
昨日我生日，姐姐帶我到兆萬中心9樓有間叫八幡屋日本料理食放題，姐姐話佢收費合理每位$218，仲可以升級每位$60，另加一服務，只要升級，仲有龍蝦奉送。 先講龍蝦，咪以為送就會馬虎，一啲都唔會，令我仲有驚喜添，原隻大大嘅芝士焗龍蝦，離遠已經聞到佢撲過嚟嘅香濃芝士味，啖啖肉嘅龍蝦，肉質夠鮮甜，肉汁夠豐富，食材新鮮再加上大廚嘅功力，簡直係絕配。先講壽司，我哋試咗佢幾款壽司：火炙沙律松葉蟹棒壽司，火炙海膽蝦壽司，火炙芝士蝦壽司，款款都不同風味，新鮮就一定㗎啦，最值得提嘅火炙胡麻三文魚壽司，當你食完一轉之後會繼續再叫第二轉，三文魚新鮮無比，夠肥大油質豐盛，加上佢自家製嘅麻油香料，配合獨特嘅火炙製法，唔係別家隨便食到。一個地獄汁煮螺，聽起好像好邪惡，但係非常惹味，佢嘅辣味好多人都食到。一個日式味噌煮蜆，整個日式嘅風味都展現出嚟，非常可口。多款炸物都做得好出色，新出一個日式可樂餅，材料係用牛肉煮製，牛肉味濃郁，加上優質薯蓉，薯蓉嘅質感 ，鮮味嘅牛肉，配合得相得益彰，外皮炸得夠鬆化，外脆內軟，調味適中。一個炸芝士年糕，芝士味香濃，年糕煙煙靭靭，炸起又不過火，外面鬆脆，內裏軟滑，年糕夠煙韌，仲有流心嘅芝
姐姐話佢收費合理每位$218，仲可以升級每位$60，另加一服務，只要升級，仲有龍蝦奉送。 先講龍蝦，咪以為送就會馬虎，一啲都唔會，令我仲有驚喜添，原隻大大嘅芝士焗龍蝦，離遠已經聞到佢撲過嚟嘅香濃芝士味，啖啖肉嘅龍蝦，肉質夠鮮甜，肉汁夠豐富，食材新鮮再加上大廚嘅功力，簡直係絕配。
先講壽司，我哋試咗佢幾款壽司：火炙沙律松葉蟹棒壽司，火炙海膽蝦壽司，火炙芝士蝦壽司，款款都不同風味，新鮮就一定㗎啦，最值得提嘅火炙胡麻三文魚壽司，當你食完一轉之後會繼續再叫第二轉，三文魚新鮮無比，夠肥大油質豐盛，加上佢自家製嘅麻油香料，配合獨特嘅火炙製法，唔係別家隨便食到。
一個地獄汁煮螺，聽起好像好邪惡，但係非常惹味，佢嘅辣味好多人都食到。
一個日式味噌煮蜆，整個日式嘅風味都展現出嚟，非常可口。
多款炸物都做得好出色，新出一個日式可樂餅，材料係用牛肉煮製，牛肉味濃郁，加上優質薯蓉，薯蓉嘅質感 ，鮮味嘅牛肉，配合得相得益彰，外皮炸得夠鬆化，外脆內軟，調味適中。
一個炸芝士年糕，芝士味香濃，年糕煙煙靭靭，炸起又不過火，外面鬆脆，內裏軟滑，年糕夠煙韌，仲有流心嘅芝士，食落令你有三種口感，非常滋味。
佢個蕃薯仔天婦羅好好食，非常甜蜜，日本嘅蕃薯真係與別不同，佢嘅脆漿做得非常出色，呢個係我嘅至愛。
另外蝦天婦羅，大大隻嘅甜蝦，肉質又豐富，用優質脆漿來配合，鮮甜又脆口，令你食到唔停得口。
豉汁炒蟶子都好惹味，蟶子夠鮮甜，配上豆豉嘅香濃味嚟炒，把蟶子嘅鮮味更加提升到另一境界。
有個黃金焗蠔，一定要試，賣相已經贏曬，上枱時就已經聞到香濃嘅芝士，將整個肥大又鮮味重份量嘅蠔，當你咬開後蠔汁源源流進在你口腔內，配合濃濃芝士嘅味道，真係冇得輸。
姐姐同我見佢啲食物咁有質素，於是我哋就再升級體驗一下。佢個生蠔刺身你一定唔可以錯過，生蠔肥大肉厚 ，上枱都已經見到佢肉質閃令令，大大隻絕無欺場，放落口中已經感到鮮味無窮 ，肉汁散滿整個口腔，令人好有滿足感。
仲有黑松露珍珠鵝肝帶子壽司，聽到啲咁名貴的材料，已經感覺到豐富，當你食落更加冇得彈，真材實料，配搭一流，多種食材味道，集於一身，非同凡響。
呢個八幡一品海鮮燉湯，招牌湯，超級無敵，佢個湯底飲得出係用很多時間淆製出嚟先有這個效果，湯味濃郁夠鮮甜，放上有魚翅，份量都唔少，仲要係任叫任食，淨係飲呢個湯已經值回票價。
新出咗個心太軟伴鮮果，心太軟做得非常出色，內心做到軟軟綿綿，味道夠甜潤，香味清幽，再拌上新鮮嘅果肉，配搭得宜，食飽飽後，我已經約定姐姐下次會再來。
張貼
