譚仔三哥米線 (威靈頓街)

營業中

休息中

最近譚仔三哥搵咗Tyson Yoshi做呢個還我鴨血系列，呢次宣傳法又真係幾吸睛嘅。不過今日嚟到中環呢間旗艦店，試咗個五小辣水煮湯底鴨血米線，雖然有意外收穫，亦有失望之處。與其話還我鴨血，不如話係畀好似我呢d大鄉里出城嘅人開下眼界，試下乜嘢係老油條。好多朋友都只食過油條（油炸鬼），但未必試過老油條。其實佢係炸咗一碌內外香脆嘅澱粉質，好似以3d printing技術將脆卜卜，而且油香滿瀉嘅澱粉質列印成一條圓柱體，中間疏窿，浸一浸湯底，味道同口感都一流，未試過嘅朋友真係值得一試。鴨血就不過不失啦，都係差唔多咁樣啫。係滑同埋少少彈牙，不過不失啦。不過，令我失望嘅係佢所謂水煮湯底做唔到水煮嘅效果囉，用味精都溝唔到個味，哎……環境算係唔錯，始終係新開，仲要係中環核心地帶嘅地面。如果平日lunch hour就一定預咗多人，但係weekend會好好多，食完唔會即刻趕你走，又唔使同外傭姐姐爭位。至於其他方面，連鎖店都係standard野，所以唔特別多講喇。