影片
更多
2023-06-14
401 瀏覽
之前嚟K11都見到排長龍，今日難得冇人排，於是決定入去食下梳乎厘。我同家姐兩個人入去食。一入到去有個女侍應指我哋去坐門口果張間開咗嘅2人枱。轉身就走。但我哋其實唔係太鍾意坐門口位，因為多人岀岀入入，咁啱入面少少有張吉枱，我哋就問另一個經過嘅侍應可唔可以坐入面果張，佢都係指門口果張比我哋。其實都有少少唔開心，但係都算數，因為想試下呢間。食物我哋叫咗一個士多啤梨Mochi 梳乎厘，同凍焙茶Latte （轉豆奶）。飲品先上，有少少同menu 個圖片不符，menu 圖係焙茶同奶層次分明，初時冇為意，以為混埋咗。點知後尾見到侍應拎同一款去其他枱，而果杯同menu 一樣係有層次嘅。不過估係轉咗豆奶底嘅關係。但係冇相冇真相。雖然叫咗少甜，但係個人覺得都有啲甜。然後士多啤梨Mochi 梳乎厘終於嚟啦。美食當前都想打張卡先，但係比侍應破壞咗。事關個侍應好粗魯咁樣擺低碟梳乎厘然後就走咗，面頭個mochi 連士多啤梨cream 就係梳乎厘上面sir 咗落去，好彩趕得切用叉扶返起。但擺返上去之後已經破壞左食物外觀。佢個mochi其實就係面頭嘅糯米皮，比較厚身嘅，旁邊有士多啤梨果醬同雲呢拿雪糕。都比較普通。底層
我同家姐兩個人入去食。一入到去有個女侍應指我哋去坐門口果張間開咗嘅2人枱。轉身就走。
但我哋其實唔係太鍾意坐門口位，因為多人岀岀入入，咁啱入面少少有張吉枱，我哋就問另一個經過嘅侍應可唔可以坐入面果張，佢都係指門口果張比我哋。
其實都有少少唔開心，但係都算數，因為想試下呢間。
食物我哋叫咗一個士多啤梨Mochi 梳乎厘，同凍焙茶Latte （轉豆奶）。
飲品先上，有少少同menu 個圖片不符，menu 圖係焙茶同奶層次分明，初時冇為意，以為混埋咗。點知後尾見到侍應拎同一款去其他枱，而果杯同menu 一樣係有層次嘅。不過估係轉咗豆奶底嘅關係。但係冇相冇真相。
雖然叫咗少甜，但係個人覺得都有啲甜。
然後士多啤梨Mochi 梳乎厘終於嚟啦。
美食當前都想打張卡先，但係比侍應破壞咗。事關個侍應好粗魯咁樣擺低碟梳乎厘然後就走咗，面頭個mochi 連士多啤梨cream 就係梳乎厘上面sir 咗落去，好彩趕得切用叉扶返起。但擺返上去之後已經破壞左食物外觀。
佢個mochi其實就係面頭嘅糯米皮，比較厚身嘅，旁邊有士多啤梨果醬同雲呢拿雪糕。都比較普通。
底層嘅梳乎厘切開有少少散，好似唔多熟咁。
當我哋食到差唔多嘅時候，岀面開始有人排隊。食完冇耐，有個侍應聲都唔聲就收走晒所有碟、餐具兜，覺得啲侍應有啲冇禮貌。
最後，賣單比Alipay ，個侍應叫我哋拍落去部卡機信用卡感應器果度，然後就走開做其他嘢。但係Alipay不嬲都係掃QR code咖喎。侍應行開咗我哋又唔會擅自攞起佢部機嚟掃，所以就好努力咁攞住自己嘅電話係佢部卡機嘅自置鏡頭掃。但佢部卡機收得比較入，都睇唔到掃唔掃到。到最後侍應終於返埋收銀位。我哋先同佢講Alipay 唔係掃咩。佢先拎起部機掃我哋個Alipay ，全程都冇講過一句嘢。
最後總結，食物味道一般，而因以上種種，令我覺得服務態度頗差。
Strawberry mochi soufflé
$118
8 瀏覽
0 讚好
0 留言
張貼
