影片
更多
2015-08-30
2892 瀏覽
原本系佢開張無耐，我同朋友去食過一次，整體覺得間野好唔錯，加上元朗本身放題較少，所以食過之後都有推薦過其他朋友去食 但點知今次再同另一位初次黎食既親戚去食，唔知係咪因為過左開張一排，鋪頭質素低左好多。首先環境方面，鋪頭裝修同衛生並唔差，但因為個場比較細，而且密封幾應聲，所以嘈起上黎會幾難受 ，而我地今次就唔好采撞正班大陸人系隔離（操大陸口音），當然我知道呢樣並唔係間鋪問題，但食飯期間我同第二個講野都難左野食方面，我第一次食既時候感覺d野都無咩問題，但今次食到幾樣野覺得嘛嘛，刺身多數都唔差，如果多人既話，更會有特製既刺身船上格，賣相非常獨特。 但另一方面我地食到帶子有沙，酒煮蜆亦有同樣問題。今次鋪頭送左個燒鰻魚俾我地，哥個燒得唔錯，值得一讚，壽司，軍艦，天婦羅都有市面質素，但小食入面，青口口感差，牛柳粒幾喊而且幾難咬而今次令我違久寫食評既原因係鋪頭既服務態度!呢樣亦係我對呢間鋪最失望既理由!第一樣，系放題既時候出現漏單情況並唔係大問題，我明白要處理咁多張枱同單有錯漏好正常，但我今次放題竟然嚴重到追3次單，仲要追到臨走前10分鐘先肯黎，而漏既野有成5樣之多 ，咁樣漏法我真係聞所未聞
但點知今次再同另一位初次黎食既親戚去食，唔知係咪因為過左開張一排，鋪頭質素低左好多。
首先環境方面，鋪頭裝修同衛生並唔差，但因為個場比較細，而且密封幾應聲，所以嘈起上黎會幾難受 ，而我地今次就唔好采撞正班大陸人系隔離（操大陸口音），當然我知道呢樣並唔係間鋪問題，但食飯期間我同第二個講野都難左
野食方面，我第一次食既時候感覺d野都無咩問題，但今次食到幾樣野覺得嘛嘛，刺身多數都唔差，如果多人既話，更會有特製既刺身船上格，賣相非常獨特。 但另一方面我地食到帶子有沙，酒煮蜆亦有同樣問題。
今次鋪頭送左個燒鰻魚俾我地，哥個燒得唔錯，值得一讚，壽司，軍艦，天婦羅都有市面質素，但小食入面，青口口感差，牛柳粒幾喊而且幾難咬
而今次令我違久寫食評既原因係鋪頭既服務態度!呢樣亦係我對呢間鋪最失望既理由!
第一樣，系放題既時候出現漏單情況並唔係大問題，我明白要處理咁多張枱同單有錯漏好正常，但我今次放題竟然嚴重到追3次單，仲要追到臨走前10分鐘先肯黎，而漏既野有成5樣之多 ，咁樣漏法我真係聞所未聞大開眼界
第二，鋪入面有提供一人限叫一杯既movenpick雪糕係呢度既一大特色，第一次去，佢只得士多啤梨一個味，令我今次去有期待過佢會唔會有朱古力味（因為個人鍾意食），點知張單紙真係寫有朱古力味，仲寫明係新產品，我當然好開心咁叫左，但到黎既時候，職員放低既雪糕全部都係士多啤梨味，放完就走左去，於是我搵另一個黎問，佢先講得番呢隻味…佢無貨原來係唔洗同客人講聲，仲可以幫我揸主意換埋味，令我感覺佢地好唔尊重客人
最後，系整次放題期間，職員完全無笑容，好似真係一個都無。而且漏單或俾錯食物都唔會講唔好意思，一次追單哥陣，有個年青女職員同我們寫緊漏單，另一個年青男職員就系個女既後面啤住我地，彷彿好似間鋪既睇場咁，就算想維護同事，請你都唔好用咁既態度回應
我同同行黎既都對呢間鋪既印象差晒，下次都係出番mk食算
張貼