山止川行 (已結業)

不喜歡食辣的我，朋友話去食辣火鍋，其實感覺普通，不過有人鍾意食，無辦法，照去。呢間叫山止川行。原來呢間係之前一個認識嘅師傅開嘅餐廳，上次食日本菜都幾鍾意，不過佢將一啲菜式融入咗火鍋同川菜入面。當晚主力打邊爐，不過朋友都話要食下川菜，因為有人試過話好。辣子雞係大推，夠辣夠爽，而家細細粒，好好送酒。蔥油海蜇頭同紅油蒜泥白肉都係傳統感覺。四川臘腸都幾得意。正宗四川麻辣湯湯底同蕃茄湯鍋，雙拼係重點，唔辣嘅都可以食到。安格斯牛小排同手切本地鮮肥牛，食辣一定要食牛。冰川鵝腸，樣麻麻，但味道好好，一定要加麻辣。上次就係個間食熊本天草大王雞驚為天人，今日都有得食。黑毛肚同成都老豆腐都係好夾辣的，又係要點。功夫碧仔片同功夫窩筍片都顯到刀功。日本拉麵做個尾，幾好，不過我只吃到幾條。甜品好多，不過得豆沙鍋餅同紅糖糍粑有貨，原來兩個都好食。