山止川行 (已結業)

表姐請食飯，相約到她喜歡的川菜，大廈好新淨，感覺好舒適。餐廳門口裝修簡潔高級。午餐好抵食，由$68 起，來個川行擔擔麵$68，好惹味，好多炒香肉碎。金牌回鍋肉$78 附一碗白飯及一碗鮮菇湯。回鍋肉肥瘦適中，大蔥炒得好有獲氣。非常美味炒手撕包菜$68 廚師有功力,炒菜都炒得有獲氣，小小辣。另外再單點手製家鄉蔥油餅 例牌有兩件，$48 都係正宗做法，外面酥脆，入面包滿蔥花。更驚喜的是蘿酥餅$48 三件，蘿蔔當造好清甜。餐廳夜晚有火鍋。

到咗山止川行，第一樣打入我心坎嘅就係招牌辣子雞，咬一啖，即刻想大叫“正”！雞肉爆嫩，搭配啲辣椒花生，真係一流！再講下嗰碗椰子雞湯，彷彿攬住一幕熱帶風情，清新得嚟滿溢着椰香，幾舒服。接著，黃金蝦球躍入眼簾，外皮薄得出晒神，炸得啱啱好，勁脆嘅口感同鹹香嘅蛋黃，真係惹味到不得了！炒土豆絲喺酸辣中帶點清新，話咁易好似發現咗新大陸咁開心！最後，當然少不了紅糖流心糍粑，嗰股香甜熱流，直撲鼻尖，一咬落去，外酥內軟，完美！此行山止川行，愉快嘅味蕾之旅，令人回味無窮，呢啲美味，確實值得推介！👏🍚🌶️

胡椒豬肚雞鍋：湯料十足，豬肚及雞的份量唔少。豬肚爽口，湯底的胡椒味適中，唔會太辣，忍唔住一開始就飲咗兩碗湯。安格斯牛小排：打邊爐當然唔少得牛肉😍牛小排油花均勻，新鮮爽口，食得出牛肉鮮味。手打三寶丸：有蝦丸、豬肉丸及墨魚丸。三種丸都非常彈牙，豬肉丸肉汁鮮甜，𧎚丸及墨魚丸也有鮮味。半肉卷+日本黑豚肉：半肉卷有羊肉鮮味，食入口唔會太蘇。日本豚肉好大片，食落去好滿足。皇帝菜：一放落枱，就見到啲一棵一棵的菜好翠綠，好吸引。真係不出所料，喲皇帝菜好新鮮脆口，果然冇嗌錯。紅糖流心糍粑：呢個甜品外脆內軟，熱辣辣，好好味，值得一試。糍粑外層鋪滿咗的紅糖，－食入口甜甜地，外層好脆口，再咬入去就有流心紅豆，唔會太甜。

🐽 雷椒皮蛋皮蛋煮得剛剛好，個蛋黃仲係流心嘅，非常滑口。配埋啲香辣嘅雷椒，好有層次🐽 宋嫂魚羹係魚湯鮮味十足，魚肉鮮嫩，唔會太鹹亦唔會太淡🐽 雪菜金華火腿成都老豆腐帶有川菜風味嘅菜式。豆腐嫩滑，火腿嘅鹹香同雪菜嘅清脆，加埋啲小小辣椒，好特別嘅組合🐽 清炒蒿筍絲蒿筍爽脆，炒得剛剛好唔會太軟太爛。加埋啲蒜蓉，帶出蔬菜嘅原汁原味🐽 酸菜桂花魚魚肉鮮嫩，滑溜口，配埋啲酸菜同魚湯，味道酸酸地，好開胃又有層次感🐽 豆沙鍋餅鍋餅煎得金黃酥脆，內裡豆沙香甜綿密，一口咬落去真係好過癮！

麻辣秘製鮑魚雞煲 (半隻/4隻鮑魚)叫左小辣係大概10小辣既程度每件雞都濃郁惹味, 4隻鮑魚都對得住價錢呀!!Hoegaarden 生啤500ml$68 大大杯真係超抵飲可以食晒成個邊爐, 唔怕突然間辣無野飲. 長飲長有呀!手打鮮墨丸呢個丸真係要特別推介好多時手打丸唔及機打既咁彈牙但呢到既手打鮮墨丸真係非常彈, 食落仲有墨魚既顆粒非常期待下次黎試埋其他功夫窩荀片真心厲害, 切到窩荀薄到透光擺到好似藝術品一樣因為夠薄比平時更容易熟手切本地鮮肥牛 (例牌)肉質唔錯,輕輕一灼食得!即炸響鈴即炸既就係比現買既鬆化同大塊好多浸落湯時可以好快吸到湯變淋, 亦都係鮮炸響鈴先做到既效果吸晒湯之後非常惹味鮮雞子拼豬腰花鮮雞子真係第一次食, 比起雪藏既袖珍o的但都係粒粒爆到汁, 如果有一個大d籬去淥會更好豬腰界左花之後,更加易熟, 熟左輕微卷曲之後更加靚處理得乾淨企理, 唔會有濃烈既內臟味

山止川行胡椒豬肚雞鍋食剩指數: 0/100今次呢間火鍋店都幾多湯底揀我地要左胡椒豬肚雞鍋胡椒超級多但係只會微微的胡椒辣豬肚同雞肉都好多可以當配料食埋建議一開始先飲兩碗先打邊爐~.今次火鍋都叫左唔少,唔逐樣俾分啦,揀幾款特別既講吓!黃金炸魚皮:鬆化既脆,好香咸蛋黃,單食都好正四寶餃拼盤:有齊4款餃,最出色係肉餃,好似小龍包咁好juicy功夫蒿筍片:切得幾好,厚度剛剛好,易熟又keep到爽脆度成都老豆腐:配辣湯會較好,有口感既豆腐珊瑚蚌:好新鮮,好爽脆.Ps佢好多配料都可以雙拼如果少人食都可以叫多幾款配料

趁住晚上天氣涼嘅日子，加多D火鍋活動。呢間上樓嘅有川菜食，亦有火鍋，有辣有唔辣。店內裝修雅緻，一邊設有卡座，四人坐都幾舒服。火鍋進行前，必先選擇鍋底，呢度有惹味嘅麻辣鷄煲，四川麻辣鍋，秘製羊腩煲外，亦有香甜椰子鷄鍋及雜菌鷄湯鍋。今晚嚟個椰子鷄鍋(半隻/$238)，先滾起椰子湯，鷄件另上再落。半隻份量都唔少。侍應溫馨提示可以先飲碗湯，食件鷄，然後先開始火鍋。啖湯有椰子嘅清甜味，而鷄件都帶有鷄肉味。既然露營必須酒，咁火鍋就必須牛。幾款牛肉選擇安格斯牛小排 ($238/例)。每片切得大細厚薄均一，脂肪分佈平均。烚兩烚一轉色就食得，肉味幾濃，口感鬆軟。丸類可以雙拼，就算人少都可以試多款。今晚嚟個手打鮮墨丸拼潮州牛丸 ($78)，每款3粒。呢粒牛丸，口感相當札實，一咬D肉汁流出，肉味幾香。個人覺得蜂巢豆腐 ($48)真係火鍋恩物，尤其係個湯底夠正，咁就可以用黎索湯汁，但要小心”辣”親條脷(哈哈….)鍾意食皇帝菜 ($48)，每條都靚仔，入口無渣。邪惡之選又點少得即炸響鈴 ($48)，圓圓碌碌，烚幾秒就可以有外軟內脆。呢度仲有紅糖流心糍粑，外脆內有紅糖流心，又另一種食法。

之前曾經光顧過這裏，覺得食物和價錢都可以接受，今晚便再度來到這裏。酸菜桂花魚$388，桂花魚肉質鮮甜，幼骨比較少，啖啖都是魚肉的鮮味，加上酸菜湯底味道，帶起了魚肉的鮮味。除了酸菜之外，配菜還有芽菜和萵筍。蔥爆天草大王雞$188，草大王雞來自日本，肉質比較結實，口感層次豐富，配上蔥和醬油的香味，非常惹味。擔擔麵$88，麻醬香味十足，麵質爽口彈牙，非常有四川風味。蒜蓉菜心$98，菜心生熟程度適中，味道鮮甜。豆沙窩餅$68，窩餅的外皮香脆可口，內裏的豆沙甜度和份量適中。

上星期連續兩日幫朋友慶祝生日咁岩都係食左燒肉, 今餐想食下火鍋, 朋友帶我黎呢間餐廳食火鍋, 呢度食品都很多樣化，除了火鍋，還有川菜，大閘蟹套餐!*日式白麵豉鍋~今次揀選了日式白麵豉鍋做湯底, 比較特別小有, 湯底呈奶白色的,  聞到很香和甜甜地*手切本地鮮肥牛(例)~牛肉味濃, 肉質淋得黎有勁度, 油脂分布平均，好味, 推介, 不過如果多過3人, 建議叫大份的*聖子皇（二隻）@$58~店員建議離殼拾十秒就得, 果然係, 聖子食落口感夠爽彈牙*鮮鮑魚（二隻）@$58~鮑魚很鮮甜爽口*山水滑豆腐拚鮮腐竹~ 超滑豆腐, 必食, 腐竹吸收了白麵豉湯好味, 好開心呢度可以雙拚, 可以試多啲*功夫窩筍片拼頂級竹笙~窩筍片切成一片片, 擺放很精緻, 食落嫩嫩的又爽口, 我至愛, 竹笙很滑, 吸收了濃湯一樣好味*金菇拼鮮准山 ~ 超好味的鮮准山, 不是度度有, 很新解, 亦都一樣鮮甜爽脆, 推介養生鮮准山*皇帝菜 ~ 很新鮮有獨特的香味*自家製竹蔗茅根 *紅糖流心糍粑~糍粑外脆內軟, 食落很Q，甜度剛好, 呢個甜點要試~醬料 – 多種類總括食得很開心, 品嚐了一餐海鮮, 牛肉和養生的不同新鮮蔬菜,

眨吓眼就嚟到11月尾，抓緊時間今晚同老細過嚟「山止川行」呢度食大閘蟹套餐，店內環境清靜，座位舒適，設有VIP房，就算一大班朋友聚會都冇問題。大閘蟹套餐$588/each(兩位起）🔹前菜三款～蔥油海蜇頭、涼拌毛豆、黑松露金磚豆腐 蔥油好香，海蜇頭口感爽脆；毛豆清涼開胃；炸得外脆內軟的豆腐配黑松露都好好食。🔹湯～蟹黃魚肚豆腐羹 裏面放左蟹黃、魚肚、豆腐，每啖都品嚐到濃厚嘅海鮮味。🔹主菜(每人兩隻）～清蒸時令大閘蟹 大閘蟹大約4.5~5兩，大閘蟹即叫即蒸，等咗十分鐘就有第一輪，11月食嘅蟹公都爆晒白膏，好甘香，蟹肉鮮甜，店員仲好貼心俾咗枝蟹醋我地，仲有手套、濕紙巾同較剪，食完一隻之後，再上第二輪，保證大閘蟹唔會攤凍。～自選香鍋（每兩位一鍋）香鍋可以 麻辣、香辣、孜然、蔥爆四款口味選擇，另外自選三款食材，我哋揀咗白鱔片、肥腸、五花腩片，上菜香噴噴，麻麻辣辣好惹味。～蟹粉櫻花蝦炒五常米飯 第一口已經食到櫻花蝦鮮香，飯粒炒得煙韌有ロ感個隻〜可惜位係大閘蟹粉份量偏少，拌勻後味道略嫌不太明顯。🔹甜品～薑茶湯圓 食完大閘蟹飲碗薑茶驅走寒涼，仲有大大粒芝麻湯圓。

同同事食farewell飯，天氣轉冷想食辣野就去左呢間裝修幾靚既川菜館食lunch午市有得打邊爐同叫小菜，二人餐十分抵食！一開始待應同我地講皇帝菜今日吾靚，建議我地轉菜心，都feel到個服務好warm！order左野十分鐘內，d野食都好快送到🫶🏻前菜叫左口水雞同皮蛋，雖然係前菜但份量似主菜！口水雞肉質嫩滑，皮蛋辣汁甘香惹味超送飯又開胃！☺️是日燉湯係椰子雞湯🥥有幾片椰子浮面，清甜可口又潤肺，吾似出面d雞湯落味精🫖 仲送左兩杯竹蔗茅根汁比我地，見到成枝竹蔗放左落杯入面都幾surprise，完全冇諗過會甘足料😳最期待既主菜部分亦都冇令到我失望！蔥爆羊肉好juicy，完全唔羶又吾會過分重孜然味，調味岩岩好！🤲🏻酸菜魚肉質嫩🐟我呢d對少少骨都好敏感既人第一次食到一盤令我放心既酸菜魚，冇骨之餘仲好入味！夠酸！入邊雖然冇寬粉，有兩個女仔食呢個餐即是冇寬粉都係完全足夠！最後甜品部份都以為自己食吾落，但呢個紅糖流心糍粑真係冇得輸，雖然我同朋友都食得好飽，但係呢個真係好味到乖乖食完，岩岩炸好外脆內軟，入邊有紅糖爆漿，仲要吾算好甜會膩，超推介！🍯

今日去左銅鑼灣食火鍋，山止川行呢間餐廳環境好高級❤️服務都好好👍🍅番茄鍋 $128勁多番茄，好濃郁。😍🐂🐃手切本地新鮮牛肉 $288近期食過最好味的牛肉，非常高質，紋理好細緻。🐟鮮桂花魚片 $168好新鮮，非常滑溜。❤️😍鮮鮑魚 $58女女最愛，爽滑👍🐔熊本天草大王雞 $128比平時食到的雞肉更彈牙，肉質爽口。🥢韭菜餃$78食材新鮮，食得出手工製作👍🍵茶位每位$15菊花茶清熱順喉😋❤️醬料每位$15

山止川行（ 銅鑼灣)今日約咗朋友聚舊，我地去左銅鑼灣一間設計非常有特色的店舖進食。餐廳座位寬闊，而且私隱度極高，最適合談心。店舖除了火鍋外，更有大閘蟹套餐和川菜享用。員工服務態度良好，而且為顧客提供圍裙，非常細心體貼。咁今日我地就淨係吃火鍋，趁天氣凍打吓邊爐。餐廳提供多款醬料選擇，醬料有芝麻、蒜頭、麻醬、辣醬辣椒油、 芫茜和蔥花，任人隨喜好而配搭。值得一讚的是餐廳為每台客人都提供人参烏龍茶，入口甘甜可以，甘香的感覺留在口中，簡直別有一番風味。1 黃金炸魚皮$88魚皮啱啱炸起，所以特別脆，魚皮薄薄一片，特別酥口同香口。另外，魚皮仲佈滿鹹蛋黃醬，食落鹹香鹹香，更加好味。2 椰子雞煲$238湯底方面，我哋揀咗椰子雞煲。椰子湯底好清甜，仲有啲椰子片。另外，配嘅雞件份量好多，非常足料。雞件大大嚿，好有鮮味，而且肉質厚實，帶點彈牙嘅口感。3 安格斯牛小排$238另外，我哋仲嗌咗一碟牛小排。牛小排質地軟腍，牛肉味濃，油脂分布平均，切嘅厚薄度都適中，用嚟打邊爐啱晒。4 台山桶蠔$188桶蠔好大隻！睇樣已經覺得好吸引，每隻都脹卜卜，打完邊爐後都唔會太過縮水。蠔仔好鮮甜，鮮味多汁，帶點海水味。5 四寶餃拼

今天見客食飯，客人喜歡吃川菜，特意揀左依山止川行，除了喜歡他川菜味道突出，服務態度也一流，侍應很讚的介紹菜單， 時時會為客人添茶，跟他說冷氣太大，也會立刻把冷氣關掉💪🏻服務態度100分！今日點了雙人餐， 勝在食到招牌菜又唔洗諗。四川口水雞- 嫩滑的雞肉搭配辣椒油和花椒的香辣刺激，帶有微微的麻辣感, 令人食完一嚿又食。蒜泥白肉 - 鮮嫩的豬肉搭配蒜泥的濃郁蒜香味，中間配搭青瓜，口感豐富且有嚼勁。酸菜桂花魚- 侍應介紹是用上新鮮的桂花魚，肉質鮮嫩多汁，搭配酸菜的酸味和辣椒的辣感，口感酸爽又帶有一絲麻辣， 特別係食到原粒花椒時， 椒麻味瞬間釋放。蔥爆羊肉 日羊肉肉質鮮嫩多汁，爆炒上枱蔥香撲鼻。紅糖糍粑- 新鮮即炸，極有驚喜，口感綿密細軟，紅糖的甜味滲透其中，Q彈且甜而不膩，可惜跟餐剩係得一件，如果唔係我諗食三件都得。

最近愛上依間餐廳，朋友介紹下，晏晝嚟過幾次，感覺真係相當好，價錢唔貴，但食物質素好好，環境又舒適😊廚師推介：酸菜桂花魚黃金顏色嘅湯，好好飲桂花魚肉質非常滑溜，魚皮充滿彈性，鮮甜鮮嫩！配埋酸菜、大豆芽，口感就更加豐富食海鮮，最好配搭白酒美酒佳餚相輝映⭐️⭐️香鍋配料選擇都有好多，而且價錢比想像中經濟實惠，幾十蚊可以加埋鮑魚🤤🤤特別出色嘅係羊肉片，肥膏唔多，羊肉味非常香濃，好惹味！呢個炒飯係全晚最驚喜嘅菜式非常推薦！「香菇四川臘腸炒飯」香氣撲鼻，好有鑊氣，而且味道調校得非常好，啲臘腸好好食，真係非常出色，如果鍾意食炒飯或者澱粉質，一定唔可以錯過！