莆田 (荃灣廣場)

營業中

休息中

蒲田呢排做緊一個新嘅優惠， 就係佢嘅蟶子系列料理， 今日同朋友放工嚟咗荃灣廣場嘅分店試一試。蟶子系列料理 一共有9款咁多， 揀兩款仲有優惠只係$219我哋分別試咗香口既椒鹽蟶子同埋 蒲田蟶溜湯， 椒鹽非常之好味， 除咗有肥美嘅蟶子本人做主角， 仲有炸到好香口嘅茶樹菇。蟶溜湯係一個帶有酸甜味嘅湯底，飲落好開胃。來到蒲田冇理由唔食佢招牌嘅蠔餅， 一如既往嘅好味，超多蠔， 食得出佢係用薯粉炸嘅， 香口得來帶點煙韌。芋香鴨同出面食嘅差唔多， 外皮香脆，加埋芋頭鍋同埋鴨肉。另外我哋都試咗鐵鍋包菜飯同埋炆豆腐， 都係唔錯嘅選擇。今餐我同朋友都食得好滿足。