髀魔-雞髀第一店 (太子道西) (已結業)

成日經過太子都想知道 究竟呢一間小店雞髀有幾好食先會叫自己做髀魔😈 今日一試 果然名不虛傳 絕對對得住呢一個稱呼🙇🏻‍♀️🙇🏻‍♂️呢到有多款極邪惡小食 而且每款都有唔同口味可供選擇🤤 一場嚟到 梗係要試下佢哋最出名嘅招牌巨魔髀🍗 揀左鹹蛋黃醬味嘅黃金魔髀 即叫即炸真係超正😍 雞髀比我想像中大好多 大過我隻手 拎上手好重😆 咬落外皮勁脆 雞髀肉好嫩好多汁 仲要好入味 啖啖都好惹味🤩 必食‼️‼️另外我哋仲試左經典魷魚鬚 一樣都係即叫即炸😍 係近期食過最好食嘅炸魷魚鬚🐙 加左椒鹽好好食 好酥脆 番到屋企食到仲係咁正👍🏻食完d咁邪惡嘅小食想飲番杯野？髀魔隔離就係TEA魔啦😈 我哋都忍唔住叫左杯TEA 芒芝黃金沙🥭 面層有芝士奶蓋 用上原個呂宋芒 好清甜 最底仲有粒粒果肉添 好滿足丫🌟