御八築地 (已結業)

以前喺大埔都有一間御八築地，當時食物非常高質。見到上水有所以就懷住興奮嘅心情嚟食，點知食物嘅質素令我哋有所失望。首先講吓個環境，入到嚟有種感覺唔太乾淨，光線又非常暗，連座位都坐得非常唔舒服。我哋想叫嘅灸燒壽司系列全部都冇，然之後我哋叫咗三文魚壽司，海膽墨魚等等。魚生唔多新鮮，但好彩我哋都冇叫太多。我哋再叫咗牛油果軟殼蟹卷同火龍卷。呢兩樣卷就都係普普通通，但對比起魚生壽司係叫正常發揮。其實我哋仲叫咗其他嘢食，包括蟹籽沙律、雞泡魚乾同牛油帶子。稍為出色嘅只係雞泡魚乾同牛油帶子。呢兩樣都要趁熱食，如果唔係又要失望而回啦！