花板壽司 (已結業)

黑雨後的星期日晚上八點半去食，位置是銅鑼灣狗狗街，以前清亭越南菜舖位，有七成滿，聽聞質數可以，又不用等位。門口侍應很禮貌地問吧台or order 台，兩個人有四人位坐，雖然七成滿，不過一點都唔嘈吵，唔迫夾。order了的食物十分鐘開始到。三文魚只是$9 可惜不夠肥美，海膽、油甘魚很新鮮甜美、蟹棒峰的較好吃、玉子雖貴但甜度及溫度適中~ 好! 焗蠔新鮮肥美，軟殼蟹卷ok，芝士年糕如果熱d--芝士溶d就更更更好。值得一讚，侍應有禮，例如焗蠔無晒small size，唔好意思前、唔好意思後咁同你講賣晒，然後問你會唔會要大少少size，真係幾肥大喎，仲會問返你好唔好食。加水頻密，經理對員工訓練有素。另外軍艦紫菜好脆啊，確係幾新鮮。食過板長、板前、峰、羽、一、巴，唔洗等、又唔洗食rubbish，呢度係好去處。