影片
更多
2020-07-20
710 瀏覽
今晚喺將軍澳爬完龍舟，同幾個friend去附近嘅中華小廚食飯，點知就中伏啦。叫咗個海南雞飯，$75（凍飲再加三蚊），係成個餐牌入面比較貴嘅。但係個飯嘅質素，完全唔值呢個價錢。先講雞肉。正常嘅海南雞飯，應該係皮滑肉嫩去骨嘅。結果碟雞同燒味舖切雞完全無分別，咁我駛乜叫貴咁多嘅海南雞呢。再講醬汁。正常嘅海南雞飯，應該係跟甜豉油、辣醬同薑蓉。結果呢碟嘢跟嘅係薑蓉同埋好化學好廉價嘅甜酸醬。甜酸醬難食到我點咗一淡就無再點，淨係點薑蓉，成個體驗又係好似燒味舖切雞飯咁。但係！話明海南雞「飯」，最重要最飽肚嘅當然係個「飯」，而成餐飯最難食嘅都係呢碗「飯」！正宗嘅海南雞飯，啲飯應該係落咗雞油/雞湯，白中帶黃咁。結果呢個飯黃到我個friend話係黃薑飯。黃都唔緊要，但口感真係好差，硬掘掘痴埋一舊，用筷子一夾可以夾到幾啖飯出嚟。仲要有啲飯係變啡煮燶咗，想食飯焦嘅話我去食煲仔飯唔好？駛咩食海南雞飯？最離譜嘅係我其他幾個friend叫嘅嘢食都at least算係正常，得我個海南雞飯咁伏。我覺得一間餐廳應該ensure啲菜式係見得人先好擺上餐牌。好似呢個海南雞飯咁，整到好似四不像咁，仲難食過普通切雞飯，我寧願你唔好
叫咗個海南雞飯，$75（凍飲再加三蚊），係成個餐牌入面比較貴嘅。但係個飯嘅質素，完全唔值呢個價錢。
海南雞飯
$75
16 瀏覽
0 讚好
0 留言
先講雞肉。正常嘅海南雞飯，應該係皮滑肉嫩去骨嘅。結果碟雞同燒味舖切雞完全無分別，咁我駛乜叫貴咁多嘅海南雞呢。
再講醬汁。正常嘅海南雞飯，應該係跟甜豉油、辣醬同薑蓉。結果呢碟嘢跟嘅係薑蓉同埋好化學好廉價嘅甜酸醬。甜酸醬難食到我點咗一淡就無再點，淨係點薑蓉，成個體驗又係好似燒味舖切雞飯咁。
但係！話明海南雞「飯」，最重要最飽肚嘅當然係個「飯」，而成餐飯最難食嘅都係呢碗「飯」！
正宗嘅海南雞飯，啲飯應該係落咗雞油/雞湯，白中帶黃咁。結果呢個飯黃到我個friend話係黃薑飯。黃都唔緊要，但口感真係好差，硬掘掘痴埋一舊，用筷子一夾可以夾到幾啖飯出嚟。仲要有啲飯係變啡煮燶咗，想食飯焦嘅話我去食煲仔飯唔好？駛咩食海南雞飯？
海南雞飯
$75
14 瀏覽
0 讚好
0 留言
海南雞飯
$75
9 瀏覽
0 讚好
0 留言
最離譜嘅係我其他幾個friend叫嘅嘢食都at least算係正常，得我個海南雞飯咁伏。我覺得一間餐廳應該ensure啲菜式係見得人先好擺上餐牌。好似呢個海南雞飯咁，整到好似四不像咁，仲難食過普通切雞飯，我寧願你唔好擺落menu，俾我揀返啲無咁伏嘅嘢好過啦。
湯同嘢飲（凍檸茶）正常，但係成餐飯得湯同嘢飲正常都係一種悲哀。
張貼
