中華小廚 (已結業)

今日黎返個家常小菜 菜式如下 椒絲炒通菜 東坡肉煲  椒鹽魷魚用上新鮮魷魚上漿炸香 再加金蒜辣椒 香口惹味 炸到外脆魷魚彈牙又夠鮮味椒絲炒通菜 炒得脆綠可口 仲食到蒜同辣椒,唔算好辣但夠香口 又夠獲氣最後就係東坡肉煲 超肥厚五花腩片紅燒過仲係層層相間非常吸引入口肥嫩甘香唔油膩,撈飯食一流評分8/10消費$250將軍澳唐俊街11號寶盈花園商場地下9-10號舖

青花椒濃湯酸菜生魚片～湯底唔會辣，偏油，酸味蓋辣味；伴酸菜、花椒、腐皮、辣椒料足。反而主角魚片，淡口，無魚味，有進步空間！蒜香骨岩岩炸起，香噴噴，濃烈嘅炸蒜味！入口酥脆，配上炸蒜香粒🧄 肉質較乾身～～中規中矩～家鄉煎蠔餅顧名思義炸蠔。一上枱嚇親，好巨！個份量驚人⋯⋯落左好多蠔去煎炸🙀食得出蠔好鮮甜，係新鮮蠔。炸粉偏薄所以唔洗點汁就咁食仲正👍🏻👍🏻👍🏻例湯無咩特別，仲凍凍地，無乜點飲。

今晚嗌咗4個餸 蒸肉餅蒸水蛋炒菜啫啫雞一開始食既時候已經衝咗去嘔，本身以為自己問題，點知男朋友半夜起身都話作嘔肚痛。。。2人都只係食咗呢個晚餐，冇進食其他食物😭😭

食過幾次既其實，不嬲都係叫兩餸。不過感覺一次比一次唔掂。前日叫外賣 中式牛柳同西蘭花炒鮮尤即係咁，茶餐廳啲飯可以做到難食冇乜邊幾間 佢可以話係其中一間啲飯又淋又一pat 食緊糊仔咁，都算！最離譜係order西蘭花要另加$10 (下?????) 番到黎係先生話我知我先知因為係佢order..首先之前叫過係唔使加錢，其次佢盒西蘭花啲花大棵到唔知係咪廚我冇刀🔪切啦真係食緊成棵花咁大喎！完全係冇誠意之作！一盒咁既嘢收我$88！離哂譜！！(好失敗果日冇影到相....唔信既客人可以試下叫呢碟餸挑戰下)

由於上次路經見到推廣酸菜魚，所以今次特登同朋友去試下好無食 份量都ok嘅 (兩個人岩岩好夠囉) 唯獨唔係好有辣味～ 但魚片口感爽脆，係好味道嘅！ 另外加咗個咖喱牛腩煲 (hmm.. 又係無乜辣味) 牛腩好碎好散，麻麻地姐 不過有時候諗唔到食乜呢道都係好選擇，始終款式比較多。個人推薦：麻婆豆腐 及 脆皮雞

今晚喺將軍澳爬完龍舟，同幾個friend去附近嘅中華小廚食飯，點知就中伏啦。叫咗個海南雞飯，$75（凍飲再加三蚊），係成個餐牌入面比較貴嘅。但係個飯嘅質素，完全唔值呢個價錢。先講雞肉。正常嘅海南雞飯，應該係皮滑肉嫩去骨嘅。結果碟雞同燒味舖切雞完全無分別，咁我駛乜叫貴咁多嘅海南雞呢。再講醬汁。正常嘅海南雞飯，應該係跟甜豉油、辣醬同薑蓉。結果呢碟嘢跟嘅係薑蓉同埋好化學好廉價嘅甜酸醬。甜酸醬難食到我點咗一淡就無再點，淨係點薑蓉，成個體驗又係好似燒味舖切雞飯咁。但係！話明海南雞「飯」，最重要最飽肚嘅當然係個「飯」，而成餐飯最難食嘅都係呢碗「飯」！正宗嘅海南雞飯，啲飯應該係落咗雞油/雞湯，白中帶黃咁。結果呢個飯黃到我個friend話係黃薑飯。黃都唔緊要，但口感真係好差，硬掘掘痴埋一舊，用筷子一夾可以夾到幾啖飯出嚟。仲要有啲飯係變啡煮燶咗，想食飯焦嘅話我去食煲仔飯唔好？駛咩食海南雞飯？最離譜嘅係我其他幾個friend叫嘅嘢食都at least算係正常，得我個海南雞飯咁伏。我覺得一間餐廳應該ensure啲菜式係見得人先好擺上餐牌。好似呢個海南雞飯咁，整到好似四不像咁，仲難食過普通切雞飯，我寧願你唔好

打個電話去叫外賣，叫完野食想覆一覆單，個收銀女即刻躁晒底咁講。仲要直接cut線，大佬啊，洗唔洗咁唔憂做啊。劣質餐廳，食物一般，態度極差，比錢買難受，成班人日日西口西面。

昨晚同女友提議不如試下呢間中華小廚，因為成日經過，終於入去試到啦！我地叫左兩味餸-叉燒拼貴妃雞同豉汁蒸鱔，首先講講個燒味雙拼，呢味忘記左影相所以冇圖可參考，賣相普通因為淋左太多燒臘汁上去，貴妃雞不錯，口感滑溜又有雞味，但叉燒就相對麻麻地，有啲燒過左隆，肉質太老，唔知係一時失手定一向係咁，至於個豉汁蒸鱔就更加唔推介食，因為第一唔夠熱，第二鱔肉唔新鮮，仲要有少少腥味，豉汁亦唔夠香口，呢個真係扣晒分，同埋佢平均價錢都要$80左右一個小菜，如果以咁既質素黎計，市面上好多茶餐廳既小菜套餐都抵食又好食過佢，所以呢間翻食指數係極之低，不喜勿插，純粹個人意見！

一直好想食辣椒炒肉，但係香港好似好少有。直到有日要買外賣晚餐先發現呢間茶記有尖椒炒牛肉。一個餐收費$70，晚市來計算唔貴，份量也足，不過牛肉有點太老了，可能是炸過再炒所致。味道不錯，辣味也夠，過一過癮還可以的。

中華小廚將軍澳唐俊街11號寶盈花園商場地下9-10號舖睇過有d食評話呢到職員既服務態度一般，我只能夠講都係普通茶餐廳既水平啦，唔會有太大既要求，我覺得最緊要係食物質素黎到呢到我通常都係叫蕃茄牛腩湯麵其餘既就同普通茶餐廳一樣無咩分別湯底濃郁，牛腩夠淋，真心推介蒜蓉多士都好好味炒蛋同煎午餐肉就冇特別正常嘢凍奶茶係必須既

食個飯都要睇人面色，唔憂做？收銀個阿姐真係服務差到極致，隨餐奉送黑面/西面，野食一般，見仁見智，如果唔係就腳一定唔會幫襯，出來消費或者食飯都係想開開心心，但最後都要受氣，好似欠左佢咁

15/9/2019 星期日 早上 10：45 打通電話成功下單， 等到11：26 打去了解，聲稱太多外賣 要等等， 好。。。等到11：43 再致電 因為等了一小時， 她都說太多外賣， 現在出門送， 12：07 真的忍無可忍 10分鐘路程 還未到， 我再打電去才跟我說 我的外賣打翻了， 我承認我那刻沒有禮貌 用粗口 問候了她 並說再等沒有意思， 問題系 我不打電話去問 打翻了食物就不通知我嗎 我叫的是早餐， 最終 12：27 送到家樓下 我稱說了不要了 不要上來

今晚又要係將軍澳 OT 啦，但又趕時間，只好快快手，叫個外賣食啦，好在有得 Claim 公司，咁就食好少少啦，但唔知食乜好，睇極餐牌，由頭睇到尾，又由尾睇返到頭。結果揀了個蝦仁炒蛋飯，飯同餸係分開裝既。先講下個飯先，係軟飯黎既，係唔需要話咩飯有飯香之類既廢話。總之就係好啦。個蝦仁炒蛋呢...係濕咗少少，而我又唔覺得滑咗去邊。啲蝦係大隻而且又唔會話無味既。食得出蝦仁係有醃既，係有味既。有陣時某啲廳餐係唔知點解啲蝦係無味既，好似食大菜糕咁。呢到做到既蝦仁炒蛋係整體黎講 Good 既。

話說今日去左附近海濱跑步，朋友話之前食過呢間覺得小炒唔錯，所以今次決定跑完步過去食，三個人點左三個餸。分別係胡椒勝瓜煮蜆$80，西檸雞$70同埋覽菜肉鬆炒四節豆$70啲餸一上黎，真心覺得好大碟份量十足四節豆味道剛剛好，個豆唔會太咸，如果肉鬆比例少啲會更好，因個豆太好食，最後得返肉鬆，而啲肉鬆又比較咸，食唔到而浪費左，至於西檸雞炸得好鬆化，甜酸比例較得好，好開胃。最後到胡椒勝瓜煮蜆，好失望，胡椒湯大搶，食唔到蜆肉有既鮮甜味，最為驚訝既係個勝瓜竟然唔新鮮，感覺變壞左勝瓜肉係變黑左既顔色，入面既籽係黃色，而且口感好硬，有啲怪味，叫左阿姐黎睇，佢望左一眼就話浸耐左先係咁，然後就走左去，唔好蝦我唔識，好明顯係唔新鮮，成個餸比我感覺就係將啲唔新鮮既材料用胡椒黎蓋過整體黎講小炒係唔錯，價錢合理，大大碟，因為太大碟，人少食唔曬會變左浪費

中華小廚既炒粉麵飯一向都好食，今日突然好想食楊州炒飯，所以都唔使諗大約12點左右去左中華小廚。叫左個飯等大約10分鐘左右就有，次次都係好快上菜而又熱辣辣既。佢應該有好多個廚係到做緊野...個飯炒得好乾身而火腿、叉燒同埋蝦既比例岩岩好，成個飯都係最經典既楊州炒飯味道，唔會好似有D餐廳咁冇落到蝦或者火腿同埋生菜絲。因為真係太肚餓同埋佢炒得太好食，我用左唔夠10分鐘就食哂...但都唔會話好渴要係咁飲野，滿足既一餐!