羽田日本料理 (已結業)

昨晚和娘親及朋友一起晚餐，一直都好想試吓呢間羽田，本人最先到達，入到去佢竟然問我有冇訂位，我話冇，佢話要等好幾張枱，叫我留電話，心諗有幾巴閉呀！咁好啦，諗住出去行一陣，唔夠5分鐘佢就打返黎話有枱，咁又行返去啦，坐低之後稍為睇睇個餐牌啦，佢連最普通嘅吞拿魚同埋拖羅都冇！d刺身幾十蚊一份得個3片！好啦，等齊人，一共叫咗5樣嘢，4隻生蠔，一份甜蝦刺身，一個海膽手卷，一個素菜湯烏冬同埋一個金菇牛肉sukiyaki! 最先黎嘅海膽手卷，一上枱就知伏已中！一睇顏色就知完全唔新鮮！四隻生蠔完全冇蠔既鮮味，仲要$45一只！個素菜烏冬仲離譜，個湯底根本就係出前一丁海鮮湯麵既湯底，仲要喊到不得了！甜蝦刺身比普通蝦就當甜蝦，問佢仲要死撐話要係甜蝦！五樣嘢之中，得個sukiyaki 係正常！簡直不知所謂！食個五樣野要成4舊幾水！冇良心的小店！呢間野真係可一不可再，你咪真係當人唔識食先得架！！😡😡😡