曼谷泰菜 (新都會廣場) (已結業)

眾所周知母親節後的星期一所有食肆都唔會太旺,晚上8:30去到都安排搭枱,另一邊有卡位都唔安排比人入坐,同個侍應講有無卡位可以坐,佢竟然話有人坐緊,我行過去一睇,張枱空空如也,鬼影都無一隻,我再問其他侍應呢張卡位係咪兩個人唔坐得(但係附近有兩個外籍人士都係坐同一樣嘅卡位)?佢態度勁差咁話唔係,不過9:15分要截單,9:30要清場,咁我再問點解剛才你個同事話唔可以坐呢張卡位?跟住態度更加差咁話:你依家係咪一定要坐嗰張枱呀?嘩!我當時真係嬲到想問候佢娘親,不過我依然忍佢,一言不發就離開咗唔食,新都會廣場咁大,食肆多的是,我使受你哋氣?不知所謂。奉勸呢間餐廳嘅老闆要教育一下所有侍應,飲食除了食物之外,服務更加重要,劉華話齋,今時今日啲咁嘅服務態度,點做生意呀!分明係趕客啦!以後都唔會再幫襯!