影片
更多
2015-02-22
5191 瀏覽
我地10個人早幾個星期已經訂了枱, 訂埋菜食飯。訂了8點, 準時8點到, 結果在門口足足罰企左半個鐘先有位坐, 期間查詢過至少3次, 冇人理, 最後一次, 待應求其指住張最多坐6個人既枱話執緊俾我地。跟住又冇左件事, 最後佢上批客人肯走啦, 我地先有得坐。最終8點半先可以入座, 其他人數多過我, 比我遲到既客人, 通通都早過我入座。咁為乜要分兩輪呢, 訂枱時話一係6點一係8點, 但有客人預約左8點, 餐廳就有責任提醒其他客人要準時交枱呀, 要我地訂了枱又呆等半個鐘, 唔通入面嗰啲係客, 我地唔係咩?一早訂了菜, 如下：1. 清蒸海杉斑 - 幾滑, 一般酒樓中上水準2. 螺頭火燑燉老雞湯 - 冇乜味, 話係燉湯但連湯渣都冇乜3. 手打百花蝦丸 - 唔錯, 但同一般酒樓出品無異4. 砵酒焗蠔 - 等了2小時, 好吃都冇用5. 蒜蓉粉絲蒸元貝 - 唔錯, 幾大隻, 但老闆話因為賠罪所以先有大隻d6. 招牌風沙蒜香雞 - 幾滑, 是晚最好菜式7. 鮑汁鮮菇扒菜苗 - 很普通, 只是菇同菜8. 蝦乾韮菜花爆和牛 - 很普通, 唔覺有和牛的溶化口感一坐低, 待應走埋黎通知我地冇哂韭菜, 要轉西芹。
訂了8點, 準時8點到, 結果在門口足足罰企左半個鐘先有位坐, 期間查詢過至少3次, 冇人理, 最後一次, 待應求其指住張最多坐6個人既枱話執緊俾我地。跟住又冇左件事, 最後佢上批客人肯走啦, 我地先有得坐。最終8點半先可以入座, 其他人數多過我, 比我遲到既客人, 通通都早過我入座。咁為乜要分兩輪呢, 訂枱時話一係6點一係8點, 但有客人預約左8點, 餐廳就有責任提醒其他客人要準時交枱呀, 要我地訂了枱又呆等半個鐘, 唔通入面嗰啲係客, 我地唔係咩?
一早訂了菜, 如下：
1. 清蒸海杉斑 - 幾滑, 一般酒樓中上水準
2. 螺頭火燑燉老雞湯 - 冇乜味, 話係燉湯但連湯渣都冇乜
3. 手打百花蝦丸 - 唔錯, 但同一般酒樓出品無異
4. 砵酒焗蠔 - 等了2小時, 好吃都冇用
5. 蒜蓉粉絲蒸元貝 - 唔錯, 幾大隻, 但老闆話因為賠罪所以先有大隻d
6. 招牌風沙蒜香雞 - 幾滑, 是晚最好菜式
7. 鮑汁鮮菇扒菜苗 - 很普通, 只是菇同菜
8. 蝦乾韮菜花爆和牛 - 很普通, 唔覺有和牛的溶化口感
一坐低, 待應走埋黎通知我地冇哂韭菜, 要轉西芹。
以為一早訂了菜好快就有得食, 但坐了半個鐘都冇野食。乜野都未黎既時候, 有個短頭髮既女人走埋黎, 話冇哂湯。同樣只係「通知」我地, 咁訂左又有乜理由冇哂呢?? 訂黎做咩呢? 當我地咁講完之後, 呢個女人一聲不響轉身離開, 之後亦冇再行過去我地張枱, 由始至終冇講過, 到底係有定冇, 冇既話又點, 駛唔駛叫其他, 係乜都冇就咁走左去。之後我地要再問其他待應, 佢地答話有湯, 要翻熱。即係無啦啦由冇變有, 到底係因為我地唔係熟客丫? 定係佢地一貫都係咁個客冇嘈就唔黎, 又或者個湯喺邊度黎?冇人知。
中間上菜速度正常, 味道可以。一直去到最尾兩個餸, 蒸元貝同埋砵酒蠔遲遲未到。
蒸元貝等多陣都上了, 但個砵酒蠔由開飯計, 2個鐘都未到。吹了好幾次, 每次都話整緊, 就黎, 到成10點幾, 突然有個待應話, 冇蠔。等了足足兩個幾鐘, 期間吹了好幾次, 佢地先發現冇蠔! 咁我地話要取消, 一直冇人理, 係都要格硬出, 點出呢? 待應話呀老闆專誠去超市買蠔返黎煮! 講到好似我地仲要多謝佢一片苦心咁, 唔好意思, 係我地等太久話了要cancel, 但你完全無視要去買咋。
最後老闆過黎話唔好意思, 話餐廳今日好亂, 因為年尾, 不過如果我地覺得啲野食好味, 咁先係最重要。聽完佢咁講, 完全明哂, 唔怪得之佢地啲服務係咁既水平! 我唔知佢地開左幾耐, 但過年忙唔係借口, 因為我地早幾星期已訂了菜, 期間仲2次詢問confirm菜單冇野題, 咁都可以同你講冇呢樣冇嗰樣, 唔係忙, 係佢根本冇理過嗰個所謂「訂單」。
野食係可以, 不過唔好忘記, 係訂了座都要等半個鐘, 係訂了菜不過9個餸入面有3個都話冇, 係啲待應不停敷衍你, 連搵人加茶都冇咁既程度, 如果你覺得淨係野食可以, 又或者你認識老闆本人, 呢間野你都可以去挑戰下, 佢地明顯只有興趣做熟客生意。否則, 我勸閣下慳返d時間金錢, 無謂吃到一肚氣唔知為乜。
我真係好耐冇試過食飯, 可以食到咁嬲, 可能啲餐廳有電視介紹下, 唔休做, 所以做成咁都仲有咁多人爭住去。
張貼