影片
更多
2010-01-31
20 瀏覽
今日同朋友去食 dinner... 見到個 menu D 野食都唔錯~更加上門口個 waitress 話匯豐同恒生信用卡有九折優惠~所以我地就姑且入去試下... 6:30pm 左右去到都係得一檯人...都唔明做乜要安排我地坐餐廳外面... 俾人望住晒!!!最弊係坐出面想嗌野... 真係叫天不應叫地不聞... 帶我地位 o既另一位 waitress...我地一坐 o係度就拎住張冬日特飲張 menu 唔知講 o左 D 乜!!!之後我地落完單 o個時佢又問我地叫唔叫冬日特飲...我冇咩興趣... 而我個 fd 就講緊電話... 咁我就叫佢話要的話轉頭先嗌啦~佢就話: "要落的話就依家落埋啦!!! 一次過方便 D..."我就話: "我個 fd 講緊電話喎~"之後佢就一直企 o係度等我個 fd 講完電話... (我感覺上覺得佢好似迫緊我地嗌野飲咁~)我就忍唔住話: "得喇~ 我地咩都唔飲喇!!! 不過你留返個 menu o係度啦~"都唔知佢係咪聽唔明... 叫 o左唔好收佢又收!!! 好~ 等我講返 D 野食先... 是日叫 o左五樣野~ 包括1) 芝士焗茄子 ($3X) - 好油... 而且三
更加上門口個 waitress 話匯豐同恒生信用卡有九折優惠~
所以我地就姑且入去試下... 6:30pm 左右去到都係得一檯人...
都唔明做乜要安排我地坐餐廳外面... 俾人望住晒!!!
最弊係坐出面想嗌野... 真係叫天不應叫地不聞...
帶我地位 o既另一位 waitress...
我地一坐 o係度就拎住張冬日特飲張 menu 唔知講 o左 D 乜!!!
之後我地落完單 o個時佢又問我地叫唔叫冬日特飲...
我冇咩興趣... 而我個 fd 就講緊電話... 咁我就叫佢話要的話轉頭先嗌啦~
佢就話: "要落的話就依家落埋啦!!! 一次過方便 D..."
我就話: "我個 fd 講緊電話喎~"
之後佢就一直企 o係度等我個 fd 講完電話...
(我感覺上覺得佢好似迫緊我地嗌野飲咁~)
我就忍唔住話: "得喇~ 我地咩都唔飲喇!!! 不過你留返個 menu o係度啦~"
都唔知佢係咪聽唔明... 叫 o左唔好收佢又收!!!
好~ 等我講返 D 野食先... 是日叫 o左五樣野~ 包括:
(1) 芝士焗茄子 ($3X) - 好油... 而且三十幾蚊得半邊茄子... 好貴!!! 係 D 芝士叫做好味 D!!!
(2) 溫泉蛋炒飯 ($58) - 味道唔錯唔錯!!!
(3) 海鮮燒餅 ($6X) - 呢個都幾好味~ 食到裏面有八爪魚... 不過我覺得 D 粉漿仲多過 D 生菜~ 如果兩者調轉更好!!! 價錢就比較貴!!!
(4) 海苔燒牛舌 ($4X) - 呢味係今日呢幾樣野食最好味 o既!!! 好香口~ 加埋 D lemon juice 好惹味!!! 好想再 encore!!! 哈~
(5) 燒羊架 ($3X) - 有兩件~ 因為見爐端燒 D 野食都唔錯... 所以先叫埋呢味~ 叫 o個陣個 waiter 仲問要幾成熟... 我地要 o左七成都唔錯喎!!! 剛剛好~ 酥酥地都幾香口!!!
食完埋單又係帶我地位 o個個 waitress serve 我地...
埋單 o個時我個 fd 問佢恒生信用卡係咪有九折~ 佢只回應一個字: "冇!!!"
之後我咪講囉: "頭先我地聽到企 o係門口 o個個 waitress 話恒生信用卡有九折喎!!!"
之後佢只掛住執檯.... 乜反應都冇俾我就走 o左~ 我真係火都黎埋!!! 都唔知咩服務~
至少你都話幫我問下丫... 最嬲係佢好似聽唔到咁!!!
我唔憤氣咪臨走之前再問下門口附近另一位 waitress... 佢竟然答我: "今日冇呀!!!"
我心諗... 有就有... 冇就冇啦~ 咩野今日冇呀!!! 即係尋日有... 聽日有... 係今日冇喇喎!!!
如果今日係冇你地就唔好 o係門口同人講話匯豐同恒生信用卡有九折啦!!!
其實我覺得冇九折唔係一個問題~ 而係佢地 D 服務態度太差!!!
我食野 o個時見到一個 waitress 送錯野去另一張檯...
隔離檯嗌野食叫 o左好耐都冇人黎... 倒啤酒又倒錯野... 真係趕客咩?!
整體上食物都 ok 的~ 不過價錢同份量有 D 唔成正比...
而食物質素我覺得 TST 松屋雖然係放題~ 但 D 燒物仲比呢間野更出色~
所以結論黎講呢間野試一次好喇!!! 我唔會再去呢度食囉!!!
兩人埋單 $271 (包加一)
張貼
