勝利小廚 (已結業)

行經呢附近，本來想食德國熱狗，竟然摸門釘，沒有開門做生意。於是沿著勝利道搵食，終於來到勝利小廚，見好耐無幫襯過，就入去食晏啦。來到這裡，當然係叫「海南雞飯」啦！老婆仔就要了個「香茅豬扒飯」。海南雞飯的雞還算不錯，不過唔夠滑，醬料得兩種，也非完全正宗，不過d油飯就幾好，係鹹左d啫。隨餐附上的例湯並不是正宗的雞清湯，而係椰子花生雞腳湯，不過都算ok啦！香茅豬扒飯的豬扒唔係切開晒嘅，係切開左一大半，但又無成件切開的，可能咁樣醃起上來入味d掛！食落都幾好味。其實呢度的食物都過得去，不過價錢就唔算好經濟便宜，只係唔貴唔平咁。如果來開呢頭，想食泰式海南雞飯的話都可以入來試試的，但要心思思來到呢頭就想食佢就應該唔得啦！