影片
更多
2008-11-01
18 瀏覽
** 此 食 肆 的 第 五 個 喊 **尋晚起(31-10-2008Fri),全家人連同我男友都去o左醫院睇媽媽,我同男友原先book o左o黎呢o度同另外兩個朋!友食大閘蟹宴,但朋友們爽約,咁見一家人一齊,問佢o地係咪一齊o黎呢o度食飯?佢o地都答應,就改8個人.我o地準時o黎到,張枱就o岩o岩貼著大門,冷氣好凍.由於唔係個個都食咁多大閘蟹(3隻),於是我o地叫兩個$298.00一位o既大閘蟹宴,同散叫小菜.大哥同大嫂睇好耐至揀到,我唔明攪乜鬼.好,六隻大閘蟹一次過上,我揀蟹公,大閘蟹唔係好大隻,其實預o左.拆好蟹,蟹膏好多,蟹肉當然好少,我冇乜心機整出o黎食,求祈食完就算.之後我食餐o既炭燒腩肉伴口水豆腐o既口水豆腐,嘩!好辣呀!我男友話好正,鬼咩,佢鍾意食辣.而炭燒腩肉真係好味,皮好脆,唔錯.然後又係餐o既生拆蟹粉小籠包,皮唔薄,蟹粉唔香,食到好重豬肉味,呢個一般.之後食另叫o既好似$80.00o既金盞臘味粉飯,份量少到分8碗都唔滿,臘味好多,飯都叫炒得OK o既.細斑仔好似話得14兩重,都夠滑o既.然後又到餐o既燕窩蛋白燴翅,呢個幾得,清清甜甜咁,唔錯.散叫唔知咩炒四季豆,份
尋晚起(31-10-2008Fri),全家人連同我男友都去o左醫院睇媽媽,我同男友原先book o左o黎呢o度同另外兩個朋!友食大閘蟹宴,但朋友們爽約,咁見一家人一齊,問佢o地係咪一齊o黎呢o度食飯?佢o地都答應,就改8個人.
我o地準時o黎到,張枱就o岩o岩貼著大門,冷氣好凍.由於唔係個個都食咁多大閘蟹(3隻),於是我o地叫兩個$298.00一位o既大閘蟹宴,同散叫小菜.大哥同大嫂睇好耐至揀到,我唔明攪乜鬼.
好,六隻大閘蟹一次過上,我揀蟹公,大閘蟹唔係好大隻,其實預o左.拆好蟹,蟹膏好多,蟹肉當然好少,我冇乜心機整出o黎食,求祈食完就算.
之後我食餐o既炭燒腩肉伴口水豆腐o既口水豆腐,嘩!好辣呀!我男友話好正,鬼咩,佢鍾意食辣.而炭燒腩肉真係好味,皮好脆,唔錯.
然後又係餐o既生拆蟹粉小籠包,皮唔薄,蟹粉唔香,食到好重豬肉味,呢個一般.
之後食另叫o既好似$80.00o既金盞臘味粉飯,份量少到分8碗都唔滿,臘味好多,飯都叫炒得OK o既.
細斑仔
好似話得14兩重,都夠滑o既.
然後又到餐o既燕窩蛋白燴翅,呢個幾得,清清甜甜咁,唔錯.
散叫唔知咩炒四季豆,份量又係少,味道都係普通啦,冇驚喜.
又係餐o既鴻圖野菌炒鮑魚粒,味道冇問題,不過一定唔係真鮑魚囉.
散叫唔知咩燒肉拼,因我唔夠手快,完全冇食過.
餐o既飄水臘味蒸糯米飲,用籠上o既,都係有臘味舖o係面上,而呢個係全場驚喜,個個都讚好食.
由於好似唔係咁夠飽(樣樣o野份量都好細),於是決定叫多個餸,我睇睇餐牌,終於明白大哥同大嫂頭先點解要諗咁耐,因為選擇又少,又貴,份量又細,唉!最後我夾硬叫個$128.00o既半隻炸黃油雞.上到o黎,黃色o既雞皮,外表唔似炸o左,食落,皮好脆,好香雞味,二嫂未食雞前食伴碟o既蝦片,都話有雞皮,呢個又唔錯喎.不過份量都係好少囉.
餐o既甜品金沙麻沙池,係芝麻糯米糍,熱騰騰o既,面上舖滿椰絲同花生粒,但我只食到椰絲味,芝麻味都唔係好重,食o左半粒畀鍾意椰子味o既男友食.
送o既紫米露,暖暖的,唔太甜,呢個OK啦.
環境:
好過彌敦道o個間,可能呢間新o掛,夠光猛同潔淨啲.
服務:
呢樣真係好唔得,咩o野都要三催四請,如:
1. 姪女要可樂,我o地o係半個鐘內催o左三次至到,重要包括問部長.最好笑個操唔正廣東話o既侍應話,因為呢張枱係佢負責,其他人係唔會理,你叫我啦.咁都得?呢啲係你o地行政問題,o係客人o既角度唔須要理呢樣,作為叫做’高級’酒家部長,應該識諗客人為先,有咩自己先跟或叫負責o個位攪掂,,而唔係求祈應o左個客咩都唔做就算.
2. 等好耐都未上糯米飯,糖水,又係催兩個人至送到,就連埋單都要催(錢都唔願收?)
問佢o地個餐重有咩未o黎,要同我o地逐樣對,唔係佢o地自己刪o既咩?亂!
收o野收一半唔收一半,奇怪.
其他:
而咁少份量,其實我o地都唔係咁夠飽,睇o黎都係冇下次.
呢餐飯埋單$1,395.90,真零丁.
張貼