碗盛 (已結業)

今日放工同咗朋友去天后「碗盛」食晚餐。首先叫咗魷魚薯蓉沙律，外相好精緻，中間個層夾住咗青瓜同魷魚，十分特別。之後就叫咗明太子雞肉串、紫蘇梅醬雞肉串同厚燒牛舌，而我最鍾意嘅就係明太子雞肉串，每啖雞肉都食到明太子嘅味，十分好吃。而紫蘇梅醬雞肉串亦很特別，首先食到啖紫蘇香味，之後就食到梅醬味，有少少酸，十分開胃。等咗好耐之後終於黎咗天婦羅同拉麵。個雜錦天婦羅很豐富，入面有炸蝦、南瓜、茄子、冬菇等，啲天婦羅揸得啱啱好，食落口唔會話太油膩，食物亦唔會乾身，點埋豉油就一絕。最後仲叫咗個出名火炙牛小排拉麵，牛小排一共有五塊，咬落有牛香味，而且個湯底亦都好濃郁，估唔到牛肉同拉面都可以咁夾。