影片
更多
2018-11-21
751 瀏覽
第一次學人寫食評，請指教！今晚同個朋友唔去做運動，係GYM ROOM附近試左SHOREDITCH （一間我地成日都想試既餐廳）行到門口見到佢有個OYSTER NIGHT PROMOTION，10蚊一隻又幾吸引，所以去試試。入到去有個WAITER 問幾位，我話兩位，之後有個WAITRESS 翁晒眉同個WAITER 口嗡嗡之後黑晒面問我地有無BOOK枱，最後帶左我地去左一個邊邊位。但事實今晚都不是太FULL HOUSE。入正題，睇下有咩食先，選擇都幾多，但由於真係想試下間餐廳所以叫左個GRILLED OX TONGUE SALAD 同一打蠔食住先，費事一陣唔岩食又叫到成枱野。其實成晚都無咩人理我地，無比餐具，無水，直頭咩都無。最後我地要自已去攞！沙律到，持評講句，係幾好食既。牛舌燒得岩岩好，保留肉汁，唔腥。以＄10蚊隻黎講 係好食既！可能你地會問，你D COMMENT 都正面，又點解換來一個不被尊重的晚上。當我同朋友食完一打蠔後，食過番尋味想ENCORE 再加多樣MAIN DISH，有個WAITRESS同我地用英文講 " I will be leaving soon, and I wil
今晚同個朋友唔去做運動，係GYM ROOM附近試左SHOREDITCH （一間我地成日都想試既餐廳）
行到門口見到佢有個OYSTER NIGHT PROMOTION，10蚊一隻又幾吸引，所以去試試。
入到去有個WAITER 問幾位，我話兩位，之後有個WAITRESS 翁晒眉同個WAITER 口嗡嗡之後黑晒面問我地有無BOOK枱，最後帶左我地去左一個邊邊位。但事實今晚都不是太FULL HOUSE。
入正題，睇下有咩食先，選擇都幾多，但由於真係想試下間餐廳所以叫左個GRILLED OX TONGUE SALAD 同一打蠔食住先，費事一陣唔岩食又叫到成枱野。其實成晚都無咩人理我地，無比餐具，無水，直頭咩都無。最後我地要自已去攞！
GRILLED OX TONGUE SALAD
$128
15 瀏覽
0 讚好
0 留言
法國蠔
$10
19 瀏覽
2 讚好
0 留言
可能你地會問，你D COMMENT 都正面，又點解換來一個不被尊重的晚上。
當我同朋友食完一打蠔後，食過番尋味想ENCORE 再加多樣MAIN DISH，有個WAITRESS同我地用英文講 " I will be leaving soon, and I will tell my colleague you guys will be served first once the oyster comes back" 個下真係唔明佢講咩，所以我問 "Do you mean the oyster is out of order?" 佢話 "no... we just need to count, will let you know"
咁我就同我朋友係到等左15分鐘，其間呢個WAITRESS 同佢D同事企左係後面望住我地指手劃腳，直到佢地發現左我朋友睇到佢地係到指指點點，佢地就面帶尷尬地笑。之後有個男人黎同我地講話D 蠔賣晒。但事實明顯唔係，因為我仲見到一盤盤生蠔由廚房攞出黎。叫頭先個WAITRESS 解釋，佢話 "FIRST COME FIRST SERVE，THEY HAVE BEEN WAITING 40 MINS"
唔該晒！搵鬼信，頭先又唔講，又講到 "I will be serve first" 個WAITRESS 越講越大聲，塊面越黎越黑，連隔黎枱都望過黎。嬲嬲地算數， 買單！
成晚我只想話，間餐廳做得呢個PROMOTION 又怕D客叫得多，諸多藉口，咁不如唔好做呢個PROMOTION啦。一D都唔大方，你明賣我明買，好正常啫。另外，伙記在客人背後指手劃腳更不要得，所以我真係要係OPENRICE 話比人知，你地野食OK 但伙記真係好唔OK 囉。
＄10 隻生蠔，SO WHAT？！
張貼
