新麻蒲 BBQ (東港城) (已結業)

我之前從未食過呢間餐廳果日去探親友，而親友介紹下試一試食午餐點知中伏！呢間餐廳係我食過最污糟，服務態度最差既一間唔好講啲食物好唔好食，雖然好老實味道只屬一般而份量亦都唔多，濃牛骨湯是極清淡，湯內竟有台式牛展以呢個價錢絕對有其他更好選擇！但衛生情況係極度惡劣！我同老公去食飯，台面有支水放左係到我地就倒水來飲，支水應該唔係滿哂既所以飲完水我地想叫職員加水/換過支水比我地點知慣手打開個蓋，發現蓋多極多黑色污跡而呢啲污跡係可以用手抺得甩！到底要幾耐無清潔既情況下先可以咁污糟？我地見到已經好驚，再無掂過支水&飲水食完飯無耐，我老公先發現有肚痛情況繼而我亦都有肚痛&肚瀉情況因為我懷孕中，我已確定進食既野係絕對全熟但竟然都會有肚瀉問題？！我絕對懷疑係飲左啲污糟/受污染既水引致我事後聯絡店家，告知呢個情況點知店家態度傲慢，愛理不理，不想回覆我！已經講左，我正在懷孕，我食完呢間餐廳唔舒服，肚痛肚瀉但都毫無關心客人情況可說係一間好涼薄既餐廳同時我亦都已報食環署跟進呢個情況因為我真無未遇過每人咁嬲既用餐體驗！