哈豆

營業中

休息中

今次同朋友試下哈豆。撞正lunch hour, 好多人，但好彩好快就有兩位。呢度要自己落單寫號碼，然後出去cashier比錢先當落order。等既期間見到呢排下午茶有優惠，如果大家下午茶時段黎會平啲！等左一陣我地既野食就黎啦！我叫左五寶什錦醬乾伴麵，同menu張相都幾大落差😂😂😂😂醬有芝麻醬同麻辣醬，但一啲都唔辣。醬都好多，結果撈完都唔叫乾伴麵😂食到底仲有好多醬汁淨，什錦麵有貢丸，墨魚丸，腸，豆腐等...各一舊，冇咩特別。朋友嗌左椒鹽排骨肉燥飯，用一個好特別既碟裝住，排骨炸得脆，可惜肉燥味唔太濃，份量都足。跟餐既野飲會平過單點，我地都嗌左珍珠鮮奶茶，有得揀唔同冰同甜度，個人覺得野飲好過野食，啲珍珠有質感，粒粒分明！總括黎講不過不失，希望下次有機會再黎試下呢度既逢甲鹽酥雞。