Burgerman (欽州街) (已結業)

今次又係我美食博士孝敬母親大人嘅時候，不過今次budget有限，唔係食咗好多嘢，好彩阿媽冇唔開心😙。叫咗個漁夫之堡 ($69)，即係香炸魚柳配車打芝士及自製特色他他醬，另加煙肉 ($8)，仲轉做Combo加$20有汽水同田園沙律🥗。小食就叫咗水牛城雞翼五件$40🍗。佢個沙律不過不失，洋蔥味好重🧅。啲魚柳都炸得幾香滑鬆軟，配埋啲煙肉同啲醬嚟食，我阿媽都話好食。水牛城雞翼正常發揮，都係酸酸地又辣辣嘅味道。雖然唔覺啲嘢食好突出，但呢間店係黃店值得支持下💪。📍Burgerman - 深水埗欽州街65-71號地下