洛奇冰室 (已結業)

銅鑼灣登龍街呢度聚集咗好多唔同嘅餐廳 除咗地舖仲有上樓舖🤓 嚟呢度搵食就啱晒啦 今日我就嚟咗幫襯呢間叫做洛奇冰室嘅餐廳餐廳嘅枱都擺得幾密密麻麻 所以座位都有幾多☺️ 而午餐餐牌嘅選擇都有好多 而我特別鍾意食焗飯 所以就叫咗日式咖喱雞扒焗飯🐥日式咖喱雞扒焗飯睇賣相 面頭嘅芝士好吸引 食落就係傳統日式咖喱甜甜地嘅味道😗 雖然焗飯有炒底 但係因為咖喱汁實在太多 食落飯粒都係偏濕 食落同普通咖喱飯差唔多 食到後期覺得芝士同咖喱唔係咁夾 整體味道都係比較普通😎可能我對焗飯嘅要求比較高啦 所以覺得餐廳嘅焗飯唔係特別出色 但係其實整個用餐體驗都係正常嘅🤩