王府 (已結業)

鄰近考試，同朋友在附近自修室溫習完順便覓食。本身就打算食附近另一間餃子鋪，行行下咁啱見到呢間北京水餃又寫住中環總店連續幾多幾多年有米芝蓮，就諗住試下😋😋😋😋約莫下午5點左右，店面並沒有客人，走入店面也沒有人招呼😓😓😓😓😓有一位男士趴在檯面訓覺，還以為冇得食，主動詢問才知道營業中，招呼客人呢方面可以改善下。店面幾乾淨，座位都幾闊落，坐得舒服過一般小店。餐牌有點污濁，因為同友人都好鍾意食韭菜，睇過餐牌後叫左兩碟韭菜餃子同一個韭菜盒子🤣🤣🤣。後廚呢個時候走出黎一位姐姐都幾有禮貌，幫我地落左單好快就有得食。一盤餃子有10隻，餃子皮薄餡大多汁，餃子皮咬落去就知真係手工包出黎，餃子皮有韌勁，好鍾意個餃子皮😍😍，餡料都好食，應該係用左黃豆醬黎炒個餡，醬香味、豬肉味、韭菜味都可以食到，係推薦既，不過冇乜特別既驚喜（因為見佢標榜米芝蓮，期待都幾高，雖然係中環總店🤣）韭菜盒子就略油同埋餡料有d少，個餡有雞蛋碎、韭菜同粉絲，食到韭菜獨有既辛辣味同雞蛋香，但都係因為太油所以好膩。係同區黎講味道唔錯，但價錢略貴，想食餃子經過可以試一試，總體黎講都係不過不失既一餐。