饗和民 (康怡廣場) (已結業)

星期日晚上8:00 ，到到都要排隊食午餐，但係呢間都唔算要等好耐，大概等左20分鐘就有位，有好多套餐選擇，但係質素就普普通通啦，環境都算唔差嘅，但係唯一嘅缺點就係唔夠冷氣，食到我成身汗食物方面，佢個炸天婦羅同埋個賀喜燒煱我係最欣賞嘅，但係反而佢啲刺身同埋壽司就真係好一般，窩蛋牛肉湯烏冬就有啲過鹹，飲品就叫咗一杯颶風提子梳打同埋一杯熱嘅生薑蜜糖檸檬，生薑蜜糖檸檬非常適合感冒嘅我飲。服務方面，不得不讚有一位戴眼鏡嘅哥哥，眼見店內人手真係唔係好夠，個個都密密做，但係呢位哥哥仲可以留意到外面有老人家等緊枱，去搬張凳俾佢坐，讚！