饗和民 (康怡廣場) (已結業)

早上去吃過幾次，外賣出得慢，遲了15分鐘，堂食早餐也出得慢，外賣還比漏餐具。上班前真的不要吃這間，會搞到你遲到。但食物方面沒問題，正正常常的。早餐叉燒麵不值，叉燒很簿。

在openrice app 訂東京牛肉飯便當，外賣自取，味道不錯。用OpenRice 優惠碼減$5，折後$46，下單後十分鐘左右已可以取餐。取餐時摸到牛肉飯是熱熱的。沙律也不錯。

年初一早早預訂，有折扣優惠，但買到返嚟見到個份量真係偏少得幾緊要，以味道計唔值。買咗燒牛肉便當x1，燒鰻魚壽司全份x1，牛油果軟殼蟹壽司x1，炸雞x2份，雞翼x2份味道唔係特別好食，選擇偏少，牛肉便當冇乜汁偏乾，兩款壽司份量都好少（睇圖），中規中矩同其他外賣壽司店都係差唔多，炸雞叫咗2份都係少到離譜，俾2份價錢好似得一份咁，雞翼各3隻。本身屋企有煮飯同其他餸諗住買啲野一齊食開心啲，點知一人都冇夾到一舊已經冇晒。

lunch menu 好多款式 咩size都有 好啱我地d帶小朋友嘅家長。一份又唔夠食，兩份又食唔曬！定食 仲可以分大份 細份！再可以 額外加追食品！ 今次食 滑蛋雞扒鍋定食 ($68)有湯🍵有沙拉🥗 再配米飯🍚另外+$28 迷你三文魚親子丼 一碗1大1細 剛剛好！

平日到饗和民一定會叫二人餐，價錢親民食物質素亦不錯，但今日見到有Seafood Loves Sake 推就試一下，HKD258加一就有3款海鮮及3款清酒，現在做緊快閃活動，3款清酒付款再多1杯，即合共有6杯，食物及清酒味道都唔錯，算有驚喜，店員服務態度也極好，值得推介。

平日一定會叫二人餐，價錢親民食物亦不錯，但今日見到做緊Seafood Loves Sake 活動，HKD258加一就有3款海鮮，再加3款共6杯清酒，就試一下，想不到味道都不錯，好有驚喜😁很好的體驗。

百元豐盛日式套餐100块左右能來個套餐，有餸、飯、沙律、甜品、味噌湯，性價比還是很高的。要夸一夸環境，坐着沙發很舒服，還常常不用等位，適合和幾個同事一齊约饭傾偈。

放假行多幾步去遠啲食個早餐先！冇得去日本🇯🇵食個日式早餐感受一下旅行嘅感覺！今日係平日，但入面都幾多人，有8-9成入坐率！我哋先響門口叫咗早餐先，之後再入去搵位！我叫咗個三文魚日式早餐，老公就叫咗個玉子壽喜燒日式早餐，之後再加$3叫咗杯熱檸茶，食物都等左成15分鐘左右先有得食，所以我悶悶地又八卦周圍望吓人哋食乜嘢！見到隔離枱個牛角包🥐好似幾正咁，於是我又好痴線走出去再叫多份西式早餐！🤦🏻‍♀️🤦🏻‍♀️好誇張，好大食！食物終於有得食啦！飯比較稔身，唔太有口感，玉子燒就幾好食，三文魚雖然比較乾，但仍覺得自己去咗日本咁，所以加咗分！之後牛角包🥐早餐都到啦，賣相唔錯，不過炒蛋比較乾，其他都ok嘅，店舖坐位比較闊，坐得舒服，而且燈光同裝飾都好日式，所以感覺唔錯😊

諗住行街前跟朋友先食午餐先，但周圍都好多人排隊，呢間唔使排….直入。首先餐廳算大，有很多位，又係手機點餐，所以待應唔多，自己攪掂豚肉溫泉蛋丼定食：個汁甜甜的，加埋隻蛋都可以嘅；蒸蛋就細杯咗少少，少食多滋味囉滑蛋雞扒鍋定食：我好怕食到啲炸到好乾嘅雞扒，好彩呢塊唔算，未乾晒，不過唔夠熱兩個餐都跟杯蜂蜜生薑梳打，去去油膩，幾好😊朋友話之前有食過這餐廳都ok㗎，我就覺得不過不失，食飯時間唔使排隊就算喇，離開時門口都有人等位㗎

以前都嚟過呢度食早餐，都唔錯既，最近再去食lunch，但發覺質素差好多，我地叫咗天婦羅豚肉定食，但竟然冇俾天婦羅汁，個前菜沙律仲唔記得落沙律汁，問侍應攞啲天婦羅汁，佢俾得好細碗，兩個餐俾得一份，要再問佢至俾多一碗仔😓 問攞沙律汁時，個侍應仲要誤會我嫌唔夠沙律汁，擺低啲汁就走開，我當時都幾滾，未試過喺日本餐廳食沙律會冇落汁，我同番個侍應講係廚房唔記得落沙律汁，唔係我覺得唔夠汁😠 佢就大聲同我講幾句唔好意思，好似係我無理取鬧咁，我從未試過食日本料理食得咁唔開心，仲要係呢間我曾經幾欣賞佢早餐既餐廳，招呼同以前差咗好多🤪 我從未寫過咁詳盡既負評，但呢度真係令我好失望，我唔會放呢篇去社交平台度，我社交平台主要放值得記錄既食評😌 仲要提下係個天婦羅豚肉好多根咬唔開，好難食，我吐咗好多趙唔到既肉出嚟，我諗冇必要我唔會再去呢度食嘢，我真係未食過咁差質素既日本料理👎🏻

We have been here a few times as we live in the area. Every time we came for the same reason - waiting times at most other restaurants in the Kornhill building are way too long. The food is acceptable at its best but often times subpar. We ordered salmon fish roe sushi and it came out with about 15 roes on top. For the price of 38 each that is more than HKD 2 per roe. We were so pissed that we sent them back and the manager just shrugged it off. They did bring the sushi with a bit more roe on it

星期六要返工🥱 身體卻很誠實 手不停咁停鬧鐘 搞到遲大到無食早餐 Lunch想攞返失去左既野 決定食和民滿足個肚12點入去唔洗排隊 店員帶入位就比左口罩存放紙我地 我見都印OpenRice 唔知和民要唔要比錢買 但我幾欣賞依個宣傳方法 通常食飯收口罩真係好麻煩我入到黎見唔到平時平日lunch set 我問店員話星期六日無 終於明點解唔洗排隊滑蛋炸蠔飯本身自己鍾意食滑蛋 蠔個到都炸得唔錯 唔會太腥通常炸野既食材都係一般 所以無咩期望 不過不失叉燒拉麵因為同事搶左張單黎埋 所以唔知叫咩兩個同事都表示好鐘意食 大家有興趣可以試試茶兩杯兩杯野飲好似都要加錢 我自己覺得還可以 滑蛋炸蠔飯 6/10叉燒拉麵 6/10兩杯茶 5/10翻食 5/10

早上搵間好坐d食早餐最難，仲要係八點，仲要係太古城區。行左半個鐘，間間都唔想入，見到和民就試下。環境夠寬敞，入座前要先買野食，之後比隻蛋你，會送餐既。個大早餐真係好抵食，味道亦不錯，抵食。

最近朋友帶我去食咗餐性價比好高嘅omakase (盛惠$280)，我第一下嘅反應係：點解omakase可以平到咁？會唔會中伏嫁？😯 原來佢上網訂咗先至咁平，結果試完之後一啲都唔伏，同埋實在太抵食，不得不介紹吓🤤佢個前菜係沙律菜再加三款刺身，包括：三文魚、油甘魚同帆立貝，刺身就正正常常，帆立貝就好味啲😋 沙律菜都正常，仲有啲海藻，幾特別，但係就唔係好鍾意佢加咗生嘅彩椒，感覺同刺身唔係幾夾🙈佢嘅壽司拼盤包括咗油甘魚壽司、三文魚壽司、炙燒和牛壽司、海膽軍艦、鮭魚子軍艦同埋甜蝦壽司🤤 而令我最印象深刻嘅係佢嘅海膽軍艦同甜蝦壽司，的確好鮮甜，一啲都唔腥，十分推介😋 而其次不得不讚吓佢嘅九州產和牛，好重牛味，而且又無筋一啲都唔鞋，好食！☺️而呢道菜一上到嚟，我同朋友一齊「嘩」咗聲，因為真係好大粒帆立貝😍 佢燒得啱啱好，一啲都唔會過老，好嫩😌 再配埋佢嗰個加咗唔少牛油嘅醬汁，食落好香牛油味，同個帆立貝好夾🤩 不過就嫌佢鹹咗少少🤏唔單止壽司用咗和牛，佢個壽喜燒都用咗九州和牛🙈 和牛嘅顏色好粉紅，雖然油脂唔係好夠多，但食落口都唔會好鞋好老🤭 最正係點埋個日本生蛋，好濃蛋香🤩 而佢個讚岐烏冬就算煮耐咗都一樣

最近有朋友介紹話和民搞緊個20周年慶所以做緊個$280 omakase 優惠，所以特登同朋友二人去朝聖試一試佢😍😍呢個就係第一個前菜，入面有三種刺身，包括三文魚、油甘魚同埋帆立貝。仲配有一個酸酸地嘅汁俾你去撈埋一齊食，味道非常之夾，唔似平時食嗰啲沙律醋咁酸 跟住就係呢一個二人前嘅壽司拼盤，入面六種壽司包括油甘魚、三文魚壽司、和牛壽司、海膽壽司、鮭魚子壽司同埋甜蝦壽司。 係呢六種壽司入面，不得不讚一下和牛壽司同埋海膽壽司，夠和牛壽司真係一啲都唔膩，仲要勁香，一啲都唔鞋，超好食😍😍而個海膽壽司又係勁鮮甜，完全唔腥零怪味，非常高質！👍🏻👍🏻👍🏻👍🏻 而呢一個就係燒北海道帆立貝，呢一粒絕對係新鮮野，又係極度鮮甜，廚房燒俾我哋嘅時候已經調好晒味，仲落咗好重牛油，本身食材好之餘仲要配合埋佢啲醬汁真係一流😋呢個壽喜燒個重點除咗係兩隻新鮮日本雞蛋之外，就係佢個壽喜燒湯底唔係死甜，配合埋一啲都唔韌嘅九州和牛同埋彈牙嘅讚岐烏冬，完美😍😍