饗和民 (已結業)

記得個晚約咗朋友係尖沙咀文化中心睇concert，但放咗工點都要醫肚先。其實尖沙咀餐廳好多選擇，可惜我哋趕住入場時間唔多，決定經過見到啱嘅餐廳就入，朋友想食日本野，見到饗和民唔洗排隊就入左去。我哋兩個人叫咗鮭魚牛油果卷、明太子玉子燒同海鮮炒烏冬。我同朋友本身都好鍾意食牛油果，所以個牛油果卷對我哋嚟講得太少牛油果，但其實佢整體配埋鮭魚嘅味道都算唔錯。至於玉子燒亦都幾好食，淡淡嘅蛋香配濃味嘅明太子，感覺啱啱好，唔會太heavy。最後海鮮炒烏冬水準一般，唔會令大家留下太深刻嘅印象。