影片
更多
2016-04-29
1072 瀏覽
對於潮州打冷不嬲都比較陌生，因為我比較中意食大排檔或者普通中餐等等，今次有親戚生日，佢地提議去食旺角呢間打冷，終於都比左個機會我去試打冷喇由於我遲到既關係，親戚們都開始左食，所以就miss左佢地叫餸既時間。一黎到就即刻試左親戚們大力推薦既大眼雞，見識少既我以為係咩田雞定雞泡魚，原來係普通魚一條食落啲肉都幾滑身，蒸得岩岩好，有別於平時既蒸魚，但我又唔覺得好特別，可能係大人食得多蒸魚所以識得分啦之後試左隔離果碟咸酸菜醃魚（其實唔知叫咩名，親戚叫）,見碟魚無人問津，好好奇佢咩味，食落真係好咸好咸，無論醃菜定魚都係一樣咁咸，食每啖都要飲一飲水平衡返... 所以在場所有大人都話交比我呢啲年輕人食喎..另外叫左個滷水併盤，見好多檯都有叫，黎到見都幾大碟，係明副其實既大雜燴，我試左紅腸同腸，味道唔係話想像中既濃，但都爽口同埋食落乾淨XD 內臟呢啲您知啦...隨時有啲...（唔講啦哈哈）,但個人覺得個滷水汁多啲會正啲另外有碟炒魚乾之類既野，同樣係無人問津，可能因為望落已經見到好多油，親戚們都話唔想食喎，我試左一啖都係覺得好油膩。全檯最受歡迎應該係獅音喇（同音字XD) ，我都係第一次食，食落好鮮甜同爽口
由於我遲到既關係，親戚們都開始左食，所以就miss左佢地叫餸既時間。一黎到就即刻試左親戚們大力推薦既大眼雞，見識少既我以為係咩田雞定雞泡魚，原來係普通魚一條食落啲肉都幾滑身，蒸得岩岩好，有別於平時既蒸魚，但我又唔覺得好特別，可能係大人食得多蒸魚所以識得分啦之後試左隔離果碟咸酸菜醃魚（其實唔知叫咩名，親戚叫）,見碟魚無人問津，好好奇佢咩味，食落真係好咸好咸，無論醃菜定魚都係一樣咁咸，食每啖都要飲一飲水平衡返... 所以在場所有大人都話交比我呢啲年輕人食喎..另外叫左個滷水併盤，見好多檯都有叫，黎到見都幾大碟，係明副其實既大雜燴，我試左紅腸同腸，味道唔係話想像中既濃，但都爽口同埋食落乾淨XD 內臟呢啲您知啦...隨時有啲...（唔講啦哈哈）,但個人覺得個滷水汁多啲會正啲另外有碟炒魚乾之類既野，同樣係無人問津，可能因為望落已經見到好多油，親戚們都話唔想食喎，我試左一啖都係覺得好油膩。全檯最受歡迎應該係獅音喇（同音字XD) ，我都係第一次食，食落好鮮甜同爽口，但由於無食過其他既，所以難以作比較~由於有啲親戚病左，所以今餐比較清淡，我動議叫蠔餅都被禁止左不過佢地都知我中意重口味，所以叫左金菇肥牛煲同埋生炒咕嚕肉比我食！！
金菇肥牛煲：呢個煲比起出面其他煲叫大，而且唔係果啲好厚既煲即係可以裝多啲餸XD 味道都係夠濃，無論粉絲定肥牛定金菇都比足哂料！我最中意既粉絲並無煮得過淋keep住一樣咁彈牙，連埋啲汁食真係一流啦，不過同樣地肥牛煲比起出面既更油膩，大家要就住食啦
咕嚕肉：每次炒小菜，我無論如何都一定要叫咕嚕肉，就係全檯唔食我都一定要叫但好多時候都會令我失望。呢到既咕嚕肉都係合格既，我最期待既皮脆呢到都叫做到，但唔係最脆果隻，脆䊢相對厚左啲，而肉都唔係好大舊，好彩佢唔係好多肥膏果種，咕嚕汁甜酸適中，可以再甜少少會惹味多啲，感覺上少左點兒穫氣，但整體個量同味道都可以接受，可以再叫的~我諗我都係岩食大排檔多啲喇。順便一提，呢到職員服務好好，不停幫我地加水！
張貼
