民聲冰室

營業中

休息中

星期二晚約咗人食飯，由銅鑼灣行去天后，難得有機會於是入咗大坑，朋友鍾意食中菜，行啱就揀咗民聲冰室。晚巿係揀小菜配白飯靚仔一碗。朋友揀鹹蛋蒸肉餅，我就揀了客家口水雞。上菜時間都唔算長，大約10-15分鐘。鹹蛋蒸肉餅嘅賣相好有霸氣，整到成個金字塔咁，塔頂係鹹蛋黃，肉餅配飯整體味道唔錯，不過我個人鍾意質感實啲嘅肉餅，民聲嘅肉餅口感比較散。而口水雞就味道唔算好突出，但啲雞肉都夠滑，鍾意食冷盤嘅朋友可以揀呢個。餐廳係地道啲，所以座位比較窄。另外分量好大，基本上一人餐嘅餸係兩個人食都得，算係好抵食。