東方食神 (已結業)

滙景廣場雖然都幾多野食，但係多數都係連鎖食肆，食嚟食去都真係有啲悶。還好都仲有幾間非連鎖食肆可以選擇，例如今日食嘅呢間車仔麵。車仔麵一碗只係$33蚊，仲要送埋野飲，真係不能要求更多。可以揀嘅餸都其實幾多。今次揀左豬腸，豬扒同埋冰火魷魚，仲加埋腩汁。舖頭都幾乎坐滿人，但都係等左大概十分鐘就有得食。張相影落都真係幾唔靚，但碗面食落其實真係唔錯。冰火魷魚應該都算係呢間野嘅其中一個主打，魷魚食落都好爽口同埋唔會好硬。