東方食神 (已結業)

近排大家都係少啲出街堂食好啲🥲聽講住藍田嘅唔會唔識呢間餐廳，連個名都威過人，暫時係食過最抵食嘅車仔麵，三餸都係$33😍依加好多裝修得靚小小嘅車仔麵店，食三四個餸嘅話都差唔多五六十蚊🥶.🥬生菜魚肉 $15大碗到嚇親，冇諗過咁抵食🥳超多真鯪魚肉，絕對唔係用麵粉整嗰啲，生菜都幾新鮮🤪買返屋企當零食，又健康又過到口癮😙.🍜自選車仔麵 (四餸) $39每碗車仔麵最少三個餸，之後再加就睇款加錢😌今次叫咗炸魚皮、冰火魷魚、魚皮餃同埋豬手，除咗魚皮餃之外，其他都非常推薦😋舊南乳豬手勁入味勁淋，魷魚都好爽口彈牙，雖然平但係有質素，唔係亂咁嚟😛.🍽味道: 3/5 🏙環境: 2.5/5‍👨🏼‍🍳服務: 2.5/5💧衛生: 2.5/5💰價錢: 4/5

依家要搵間好食又正宗車仔麵都幾難，唔知點解要加啲花膠鮑魚去車仔麵到都失去左食車仔麵個原有味道。藍田匯景商場就有間保持初心真係舊式車仔麵，價錢仲幾抵，3餸加麵同熱飲$38，真係超級親民，依家都幾難搵到平得過佢。我就比較貪心，加左幾個餸加$2 轉凍飲。油麵，彈牙唔係煮到發晒㗎。雞翼尖，鹵水雞翼尖，鹵水味幾香。墨魚丸，細細粒都幾彈牙。豬紅，份量比預期多，口感同味道唔錯，食豬血幾有益，好似排毒。豬皮，有咬口，發得唔錯。豬大腸，有少少🤏脂肪，洗得好乾淨環境唔好要求好好，真係街坊車仔麵，地方尚算乾淨企理

因有家人住在附近, 所以久不久會去食, 最鍾意食冰火魷魚😋😋, 夠辣好味, 每次必㸃, 湯底好飲, 辣醬好味, 其他餸就一般般😁😁仲有炸物都好ok,炸魚蛋, 雞翼👍👍腸粉等小食都唔錯。

服務態度唔好，野食又麻麻首先其實咩事，接應人一開始態度已經老土，「坐底啊~」類似，搵唔到客先會咁，第二，我要豆漿冇唔緊要，問完又問咩事，第一個都問左，個黑衫收銀又過黎問做咩我真係唔要其他野飲，咩事，第三，改完單定入錯單唔同人講聲，我要蟹籽丸佢就比墨魚丸，可能佢覺得兩樣都係咁食唔驚，黎到我先知，但真係好少餐廳會改單都唔講人知，第四，我唔明點解食墨魚丸同幼麵會食到類似雞蛋殼既野，係咪衛生問題？三舊蘿蔔其中一舊蘿蔔又要有魚腥味，第五，個收銀發我脾氣掉錢落枱。咁有骨氣咪米賺香港錢囉？我幫襯仲要受你氣，我都唔係想抹黑，我想警告其他去呢間野不過間野咁細應該冇人會特登搜尋，想賺錢唔係下下整學生餐或者咩噱頭就得，要提高水準，服務水平同野食水準。又唔係做唔到，衛生好重要，咪搞到成日要果樣冇果樣，好反感。我建議食返五樓中間果間穩陣，呢間衛生成疑，唔會同佢嘈交加料掛哈哈，我有比錢去食唔洗哀求你先比啲正常服務素質吧，做人以免太小學雞，間鋪好多大陸人，應該藍店黎。

呢間係觀塘區比較好食嘅一間車仔麵，最鍾意佢啲餸夠特別，例如冰火魷魚、陳皮魚蛋，其他車仔麵店都好難食到。份量又多，而且又唔貴，以前做學生嗰陣最鍾意嚟呢度食，貪佢有學生優惠。不過地方細，有時夜晚嚟到都要等位。

滙景廣場雖然都幾多野食，但係多數都係連鎖食肆，食嚟食去都真係有啲悶。還好都仲有幾間非連鎖食肆可以選擇，例如今日食嘅呢間車仔麵。車仔麵一碗只係$33蚊，仲要送埋野飲，真係不能要求更多。可以揀嘅餸都其實幾多。今次揀左豬腸，豬扒同埋冰火魷魚，仲加埋腩汁。舖頭都幾乎坐滿人，但都係等左大概十分鐘就有得食。張相影落都真係幾唔靚，但碗面食落其實真係唔錯。冰火魷魚應該都算係呢間野嘅其中一個主打，魷魚食落都好爽口同埋唔會好硬。

食过五次，頭三次老公食車仔面，到食第三次老公至話我知原来每次食完都肚柯刚同朋友講至知佢都係甘老公早知話我知我不会再去，只因夜食反至求其揾d野食，最嬲係漏单5認，鳮脾反咋喎，我地食晒个炒公仔面，連等都已经20分钟有多，但反都未到，追单个聲粗粗既大嬸話要即煮熱喎，但一追就即有今日又係叫糯米鳮咋喎，我地又食晒炒公仔面都未到，今次5追啦，廢事比阿嬸兇，埋单時話冇到5要喇，佢大大話要即蒸，大嬸丫，如果要等你係咪需要話比食客知呢？上次我见有人叫糯米鳮都即有，根本漏单你咪認囉，仲要死撐，我永不再食此店，如果大家便秘可去食車仔面，包你有得柯

This eatery has a funky English name called Oriental Jackson.Anyway, stopped by randomly because I was hungry.They serve cart noodles and the best thing is that you can choose rice instead of noodles which makes it more filling.I had luncheon meat, fishballs and blood jelly.The fishballs were really good because there was a strong fruit peel taste but probably zero fish in it.Overall, the food was edible but a little too salty.

環境：在匯景商場內，環境有點雜亂、污糟有大排檔感覺。清潔：餐具油油的，記得問阿姐攞熱水淥一淥先好用啲餐具服務：叫凍檸茶少冰走飲管，冇一樣有做到。食物：好一般，豬腸好多肥膏，蘿蔔有渣，墨魚丸普通，辣醬一pat唔會分得開個種... 總之係好分離嘅感覺。睇唔到有乜野值得番兜不過$30一碗3餸車仔麵， 凍飲+$2，正常性價比，不過不會再試。

碗仔翅如鼻涕，難以入口，碗內只得一片冬菇幾條蛋絲，連粉絲都無條，太過份。陳皮魚蛋如粉球，不吃乜罷。環境一般，但服務態度比國技更出色，未座低時態度良好，落單後態度如日落西斜，只有西面。

車仔麵最重要係咩，係平！！！平民食物如果要6/70蚊，咁其實已經失去左意義，如果貴得來又要唔好食，就真係喊出來。東方夜神就無lee 個問題，$30 三餸一麵，仲要包野飲（除左凍豆漿，凍飲+$2），真係不能要求更多。我叫左雞中翼牛腩牛柏葉河粉，湯底唔錯，中辣嘅辣汁都夠味，餸嘅份量好夠，無唔抵嘅感覺，麵都大碗。牛柏葉好爽口，不過始終白色係製過，有dd 化學味，牛腩正常，雞中翼最有誠意，煎過，幾香。寶寶碗蘿蔔豬紅辣魚蛋幼麵，蘿蔔夠淋，不過可以再入味d，豬紅好夠味，正，魚蛋都好食。

東方食神我幫襯了有六，七年了。在車仔麵的餐廳中，它的水準比一般高：1-蘿蔔無渣夠淋身入味2-冰火魷魚夠爽脆3-湯可加腩汁辣汁但又不會太過濃味4-最後是價錢超值搬了屋好幾年，今日路過，就來試試。1-蘿蔔有渣，印象中是第一次2-環境清潔好像差了3-墨魚丸質素也好像下降了老實說，水準是不過不失，但如果今次是第一次光顧，應該沒有下次了。再試試多次，是偶然的失誤還是退步？

位於藍田~匯景商場裡面嘅《東方食神》，朋友介紹話小食唔錯，又低食，於是來試下。位置比較靜，一般小食舖格局，沒太多裝潢，最適合朋友來消閒聚會。我們叫咗~ 冰火魷魚，生炸雞肶，炸魚蛋，生菜魚肉，凍檸茶。個人比較推介這個《炸魚蛋》，賣相的確一流，見到都好想食！魚肉彈牙，用料不錯。加上調較過的甜豉油，味道十分不錯！推介！《生炸雞肶》這個雞肶，wow！見到我最鐘意嘅，雞皮脆卜卜，少少濃，即時食指大動！雞肉炸得剛剛好，又不會太乾，有肉汁，好味！另一推介！《冰火魷魚》開始食唔覺得辣，味道幾特別！越食越有微辣的口感，魷魚是用料是唔錯的，有咬口，個不錯。《生菜魚肉》魚肉肉質不會出面咁好粉，魚肉有咬口，生菜好新鮮，湯都好濃味。唔錯總括而言，雖然小店出品，小食比出面街舖還好得多，唔錯。即沖飲品就有待改變，其他就未試過，不予置評。價錢算便宜，下次會再哩食過。

係商場既深處，就有個食神係東方，叫“東方食神”😂😂😂雖然環境就唔係太好啦，又好似唔係咁衛生，不過算啦!!勝在夠便宜ma😁😁好特別的係自己人手寫單^^仲可以係隔離寫“另上”，3餸1面再加杯凍飲都只係32蚊＞＜佢既辣醬係一pat的，要自己撈暈，賣相一般但就好好味! d“雞翼”比較香同埋脆，一定要另上啊！！唔係既話唔好食😂👍👍但個湯底就好油@@不太好！！👎👎魚肉千其唔好叫，無味加不好吃，膠膠地既味道!!👎👎 韭菜既味道就好好多，整體黎講一般啦^^

餐廳位於較隱蔽的地方，環境亦不夠好，勝在夠便宜，配料選擇亦多。1.鶏翼-是炸的，香脆嫩滑，每次吃都會叫。2.魷魚-本身配有辣汁，所以不能吃太辣的不用再叫辣汁了。3.螺肉-份量較多，亦不會太多沙。4.餐肉-切得頗厚。5.豬扒蛋飯-有倆隻太陽蛋，豬扒鬆軟而者大塊，好吃，飯的分量也夠多，甜醬油則自己任加。