影片
更多
2023-06-28
40 瀏覽
💰432 (堂食連加一）呢間燒肉餐廳啱啱開嗰陣，👧🏻已經話想試，過左咁耐👦🏻終於帶左佢去食喇🥹留意番，呢間餐廳嘅燒肉set冇跟飯，如果想要飯嘅話要加套餐set，套餐set有以下兩款：A. 日式雜菜沙律、白飯、蜆湯 （+$38）B. 日式雜菜沙律、月見蛋紫菜飯、蜆湯、汽水 （+$48）極上薄燒A4黑毛和牛肉眼上蓋三食(日式雜菜沙律、白飯、蜆湯)呢度嘅三食係指d牛肉有三種唔同嘅食法，第一種：原味根據自己嘅口味可以選擇餐廳提供嘅三款醬料（鹽、醬油、鹽麴）黎調味燒好嘅牛肉 👦🏻覺得呢個食法最好味 比較正路一d第二種：日式昆布湯可以將牛肉點昆布湯黎食 不過👦🏻唔知道 以為個湯係飲 所以飲曬🫣🫣第三種：壽喜燒月見風用壽喜燒湯底做醬汁再加生雞蛋 不過👦🏻又係唔知道係攞黎點肉嘅 所以佢攞曬去撈飯😂🫣雖然冇乜壽喜燒嘅味道 但係撈飯都唔錯😋食物賣相好好😍打卡一流😍可惜牛肉份量唔大 👦🏻個爐仲要唔夠熱 even好薄嘅肉燒左好耐都唔熟😩至於d牛肉質素一般 同d醬汁亦唔係話超級夾 👧🏻覺得跟set嘅蜆湯好淡 但係👦🏻就覺得都夠濃 味道就一般 不過d蜆肉係甜嘅 整體都可以接受😌吉列A4黑毛和牛牛小排(日式雜菜沙律
💰432 (堂食連加一）
呢間燒肉餐廳啱啱開嗰陣，👧🏻已經話想試，過左咁耐👦🏻終於帶左佢去食喇🥹
留意番，呢間餐廳嘅燒肉set冇跟飯，如果想要飯嘅話要加套餐set，套餐set有以下兩款：
A. 日式雜菜沙律、白飯、蜆湯 （+$38）
B. 日式雜菜沙律、月見蛋紫菜飯、蜆湯、汽水 （+$48）
極上薄燒A4黑毛和牛肉眼上蓋三食
(日式雜菜沙律、白飯、蜆湯)
呢度嘅三食係指d牛肉有三種唔同嘅食法，
第一種：原味
根據自己嘅口味可以選擇餐廳提供嘅三款醬料（鹽、醬油、鹽麴）黎調味燒好嘅牛肉 👦🏻覺得呢個食法最好味 比較正路一d
第二種：日式昆布湯
可以將牛肉點昆布湯黎食 不過👦🏻唔知道 以為個湯係飲 所以飲曬🫣🫣
第三種：壽喜燒月見風
用壽喜燒湯底做醬汁再加生雞蛋 不過👦🏻又係唔知道係攞黎點肉嘅 所以佢攞曬去撈飯😂🫣雖然冇乜壽喜燒嘅味道 但係撈飯都唔錯😋
食物賣相好好😍打卡一流😍可惜牛肉份量唔大 👦🏻個爐仲要唔夠熱 even好薄嘅肉燒左好耐都唔熟😩至於d牛肉質素一般 同d醬汁亦唔係話超級夾 👧🏻覺得跟set嘅蜆湯好淡 但係👦🏻就覺得都夠濃 味道就一般 不過d蜆肉係甜嘅 整體都可以接受😌
吉列A4黑毛和牛牛小排
(日式雜菜沙律、月見蛋紫菜飯、蜆湯、汽水 )
賣相都係靚嘅😍d牛小排都算大塊厚身 鮮嫩程度尚可 味道就中規中矩 幾易入口 唔會話好韌👍🏼 跟set嘅月見風紫菜飯👧🏻會揀牛角嘅紫菜飯😂汽水係日本嘅橙味汽水 👦🏻就覺得同芬達好似😂
總括黎講，如果經過西環可以試吓，但係特登過去就不必啦👌🏻食物唔算真係好好食，同埋地理位置唔方便，所以扣分😖
✨評分✨
食物：6.5/10
環境：7/10
衛生：7/10
服務：6/10
回頭率：6/10
張貼
