紅辣椒 (已結業)

夜晚10點半喺旺角搵地方食飯，無諗過星期六啲餐廳都咁早收……都唔知食乜好，突然想飲冬蔭功，跟住喺紅辣椒叫咗碗無骨豬手魚蛋冬蔭功金邊粉。冬蔭功湯底味道都算收貨嘅，如果用嚟過下口癮。湯底微辣偏酸，有香茅同檸檬葉味，所以唔識得辣嘢人都可以飲，因為酸酸辣辣（可以講係唔辣）幾開胃。無骨豬手岩晒我哩啲懶人，炆得都算腍，但味道偏淡，而白魚蛋味道有啲腥。