La Mer Brasserie (已結業)

同個朋友去lunch, weekend, 上到去, 冇幾多人, 幾清靜. 冇叫set, 散叫咗龍蝦湯, 鵝肝,白酒煮藍貝同咖啡.龍蝦湯-- ok, 有濃郁蝦味, 不過稍為稀咗少少. 個人喜愛Press Room的龍蝦湯多一點.鵝肝-- 唔夠鮮! 有點點失望.白酒煮藍貝-- 汁是可以的, 藍貝算大隻, 但質地怪怪的. 如果你食過藍貝, 你知佢嘅質地新鮮時係好滑, 邊緣有點彈牙, 好鮮好味. 但唔知佢地嘅係品種唔同, 唔係時令, 定係唔新鮮, 汖過水定係煮過火, 質地實實的冇鮮味. 如果佢係以海洋做名, 以海鮮做主打, 呢味藍貝絕對唔合格.咖啡係即磨嘅, 份量較大, 苦味較重, 不過都香, 幾好.其實去lunch係想試試佢地ok 唔ok, 如果ok就會去試佢個海鮮湯. 去完發覺係好一般, 食物質素都係鍾意Press Room多d, 起碼人地個環境真係似法國嘅Brasserie多d....服務係好嘅, 幾細心, 要讚.環境ok,坐得好舒服. 不過入口只在荷里活道, LKF Tower的入口係封咗的.