PappaRich Malaysian Delights (已結業)

中環Papparich唔係開咗好耐,今日碰啱放假，就黎試下呢度嘅午餐。呢度裝修簡潔，座位與座位之間唔擠迫，坐得幾舒服。不過最唔好就係餐廳只可以俾我食一個鐘就要走，太趕👎叫咗兩個午餐: (1) 咖喱雞(2) 巴東牛肉午餐包括(1) 主菜(2) 飲品價錢以中環來講，算係合理，但當然唔可以叫做平啦。咖喱雞呢度嘅咖喱應該係馬來咖喱，味道都唔錯，唔算太辣，雞肉滑，椰漿飯椰子味濃香，值得一讚👍🏻另外參峇蝦出奇地好味，醬汁濃而帶甜，蝦肉爽，好得👍🏻但圓錐形薄餅冧晒唔脆，零分👎巴東牛肉呢度巴東牛肉唔係印尼味嘅巴東牛肉，應該係馬拉味道，較淡口，唔太入味，我個人就覺得印尼巴東牛肉比較惹味同入味， 呢個巴東牛肉我覺得普通。蜂蜜檸檬水檸檬味蜂蜜味好足 ，不過過甜。白咖啡咖啡味唔算濃，奶味偏重，而且都係比較甜，不過不失。