家傳滬曉

營業中

休息中

2019年2月13日話說今日得閒，同同事去左食家傳戶曉。佢呢度有個茶叫四寶，都幾得意。所以我每次黎都會叫四寶。一黎沖會好似水咁。所以最好等佢一陣先沖。就會又有色又有味。同事叫左個擔擔面，佢話幾好。我叫左個客飯。有前菜同湯。前菜係花生。我覺得有啲太軟身。但同事話幾好食。呢個係佢跟餐個湯。有啲太淡。咕嚕肉，有點太濃味。但陪埋佢個淡淡既湯岩岩好。唔知會地係唔係專登嫁呢。白飯，可以轉菜飯。但我冇轉到。佢係個好普通既白飯。冇乜可以讚又或者彈嘅地方。跟餐仲有個小籠包。我覺得比晚市食到既差。薑絲都幾幼。呢個唔錯～開頭以為佢冇落薑絲。可能因為新年？佢加左價。而且冇乜特別好左，所以覺得唔係咁抵食。加上今日好多人，叫落單同埋單叫左好耐。走個陣都仲有好多人等位。