家傳滬曉

營業中

休息中

坐低有兩個小食，每個收你$15，不過份量同味道都滿意嘅。叫咗個砂鍋雲吞雞，都分到六碗，雲吞就好似每人一粒，我哋叫嘅係半隻雞版本，隻雞都ok。跟住要咗半隻片皮鴨，隻鴨唔係好肥，呢度嘅薄撐皮比較少，當然你可以話片皮鴨份量多啦。夾片皮鴨嘅配料除咗有平時嘅青瓜絲同埋京蔥絲之外，呢度仲有酸梅條。然後又要咗半條松子糖醋魚，睇落去好大條，不過食落就唔係分到好多件。蔥油餅有兩款，我哋揀咗厚身呢一款，味道唔錯。最後甜品就叫咗豆沙鍋餅，可惜豆沙真係比較少。

中午套餐配✨香辣小包（每人2粒）少許辣味，是小朋友都接受到的辣！面皮薄而有彈性，豬肉餡鮮嫩。被咬破後散發出更加迷人的香味！🍜抄手擔擔湯麵$70+1豬肉餡料的抄手放入擔擔湯麵中，湯汁並不突出，生花味及芝麻未夠濃厚，唯一是較好的是麵條不會過軟也不會太硬，保持了一定的彈性。🥢排骨炒粗麵$92+1排骨搭配上經過特別調味的醬汁，香味濃郁。炒麵的火候恰到好處，粗麵條在炒制過程中吸收了排骨的肉汁，令麵條本身也變得更加美味。這道菜還加入了一些蔬菜，如白菜和竹筍，讓味道更加層次分明。#家傳滬曉 #大埔#家常菜#大埔超級城#排骨炒粗麵#上海菜

冬瓜盡聲稱原價$168，優惠價$68。原來係迷李版冬瓜盅，細個大家Do個冬瓜盅。呢個冬瓜盅賣$168應該係地表最貴！得2隻蝦毛、1粒蓮子、一點點碎肉🤬🤬🤬片皮鴨$388一隻，鴨冇香味，別說脆皮🤬。提供青瓜不足每塊薄餅用一條，伙記話青瓜要另加收費🤬🤬🤬🤬食片鴨可能環保問題沒有提供膠手套，這個明白六不大問題。問佢攞濕紙巾，答案係：「法例規定不能提供濕紙巾😱😱😱」。想請教那條香港法例禁止食肆提供濕紙巾🤬🤬🤬🤬🤬🤬🤬🤬侍應態度，每句說話帶晦氣⋯那些AI多謝真係多謝晒🤬🤬🤬🤬🤬🤬🤬🤬以前食過觀塘店各方面都可以，今次才食大埔店。請都唔會再去🤬🤬🤬🤬🤬🤬🤬

#20240711 🤍📍 家傳滬曉 大埔安邦路8&10號大埔超級城B區2樓201號舖 🍽️荔枝角寶輪街1號曼坊地下G06-07號舖➖➖➖➖➖➖➖➖➖➖➖➖➖➖➖➖➖#麻辣鳳尾魚 $88💭 每次尼食都一定會叫呢個，鳳尾魚原條炸到脆卜卜本身就已經夠吸引，面頭有大量糖漿，但唔會覺得膩，因為係甜味當中會食到隱隱約約既辣味，真係好輕微輕微，用尼同個甜相互抵消完就散左，所以怕辣既朋友仔都可以試下🐟.#捲蔥填鴨孖寶 $490💭 本身叫一隻都要$428，咁叫個孖寶真係抵好多，雖然價錢望落唔多平，但人地真係貨真價實咁比兩碟肉同兩籠麼麼皮，仲有兩隻鴨髀🦆重點係佢好味丫嘛，特別要讚佢個麼麼皮，食過咁多間暫時整得最好係佢，薄得尼又有韌性唔易穿，正！. 🥢 #黃金大蝦 💭 呢個又係散叫都$188，叫呢個孖寶餐就少左隻，但其實咸蛋黃食多幾隻都會膩，佢個咸蛋黃炒得好好，起到沙之餘仲有掛身，依附晒係隻蝦度唔易甩，蝦亦彈牙，食完睇隻碟乾乾淨淨無成碟油就知佢整得好🦐.#干煸四季豆 $98#上海小籠包 $70💭 兩樣都正常啦，味道不過不失，四季豆比想像中稍微辣左少少，不過可以接受既🤏🏼小籠包個皮做得夠薄，不過夾真係要啲技巧，

🏘️家傳滬曉屬於景樂集團，大埔店午市套餐，粉麵年糕餐將$65至$90，🍚客飯餐就$79，再加一。樓底高座位闊落坐得舒服。所有套餐均附上🌶️香辣迷你小包兩粒，似迷你小籠包，皮薄有肉汁，辣油分開上，怕辣都唔怕。客飯餐另外包前菜同湯，今日前菜係蓮藕，有四片，🧄蒜香微辣，非常爽脆。例湯都好大碗🥣有老火湯feel。北京炸醬麵，侍應哥哥話上枱後要盡快食，唔係麵會黏埋一嚿。味濃，主要味道來自豆豉。🍒果粒酸甜魚塊，用咗地門熱帶雜果罐頭，所以有椰果同車厘子🤣份量多，個汁好好送飯。

香港人梗係支持返香港食市啦知道呢一間餐廳有為客人寫菜單擺返一圍宴請親朋係大埔我哋已經多次光顧這一間餐廳，對佢食物質素同服務非常有信心我指明要一啲菜式，餐廳都幫我哋做到廚師精心炮製餐廳員工服侍周到喺呢度服務同食物味道你一定搵到

好耐冇食過八寶鴨了！宜家好少地方有得食，我去的這間在大埔的家傳滬曉就有得食！佢嘅片皮鴨都出名好食㗎！我叫同學們揀食八寶鴨抑或片皮鴨，大部分都揀八寶鴨，於是我早三日前就預訂了！到個晚去食，嘩！不得了！真係又淋又多料又入味！個個食到停唔到！佢其他食物如豆腐湯，三菇小棠菜，四色蝦餃，醉雞，糟朽魚片及四喜烤麩都好食！仲有個兩個甜點也不錯，值得一去再去！

一向都係呢度嘅常客，有日同餐廳經理及大廚傾開計，原來餐廳正準備推出晚宴套餐，剛巧本人正想擺兩圍宴請親朋好友晚飯，就一於試下係呢度擺啦。當決定好日子人數之後，餐廳經理同大廚好有誠意甘親自為我寫左個菜單，價錢基本上係度身訂造，非常貼心。到宴會當日，果然無令我失望。 餐廳一早已經幫我佈置好場地。餐廳經理當日更親自出馬服侍我地，服務上認真一流。菜式方面，全部都係精巧雅致，色香味俱存，分量亦十足，完全睇到大廚嘅功架。呢一餐真係物超所值，性價比非常高，一定會推介朋友

好耐冇去過家傳戶曉，今晚同屋企人又去食，五個人去叫咗七個餸，真係垃圾到不得了，冇任何一個餸講得出係好食，東坡肉完全係湯渣，炒四季豆食落口全部都係渣，真係求其走去搵一間上海菜館都好過你多多聲，電連最簡單嘅上海粗炒你都夠膽死炒到成坺糊仔咁，七碟餸我哋冇一碟係食晒全部都食淨一半，你收人哋咁嘅價錢呢啲預備功夫都冇做好冇揀好，七個餸真係求其有一個講得出係好食嘅我都當你贏，以前去過都唔錯㗎，而家真係垃圾完全係垃圾，收人咁嘅價錢你俾啲咁嘅嘢人哋食，啲出品同以前真係完全唔同晒，冇任何形容詞可以形容只係可以用垃圾形容！真心唔會再去，

節日慶祝食個晚飯，就屋企人所以食中菜本身係知呢間舖都開咗好耐，但第一次食入去環境好乾淨好靚，員工好友善叫咗個優惠套餐，有片皮鴨食嘅餐兩個前菜，勁好食嘅粉皮同烤夫，個餚肉相當好食，好食過某間上海舖個翅都真係有翅，仲要份量好多唔係得一兩條其他都好好食，我就唔逐個講了總之物有所值，屋企人都食得好開心臨尾個侍應仲比咗d利是封我地

同屋企人食飯，有老有嫩除咗去酒樓之外，呢間餐廳可以話係一個唔錯嘅選擇。嚟到呢間餐廳唔知叫咩好，套餐就滿足到你，亦唔需要煩點菜嘅問題。六人餐前菜有兩個冷盤，包括雞絲粉皮同鎮江淆肉仲有四起烤麩，雖然係前菜，但份量頗多。仲有一隻片皮鴨， 片皮鴨外皮香脆，而且包括足夠嘅粉皮同埋醬料等配菜，因為之前去過其他餐廳包片皮鴨嘅粉皮係唔足夠嘅，如果另外加嘅話要加錢。呢間餐廳就冇呢個問題。呢個套餐亦包括每位一客嘅湯羹，湯羹同根裏面嘅配料亦都係十分足料。糖醋松子魚喺只有半條，松子魚雖然唔算好大條，但份量都算合格足夠，因為仲有其他嘢食。主菜仲有黑松露蝦球，同埋海參黑豚肉。較為有驚喜嘅係黑松露蝦球。黑松露嘅香味同蝦嘅香味意外地夾，而且蝦係十分大隻同埋爽口。比較少見到黑松露會喺中菜中出現。呢個蟹黃娃娃菜就略嫌蟹味不足。蟹粉小籠包就一人一隻，湯汁足夠。最後仲有個鮑魚炒麵，所以一定夠飽。

北京填鴨🦆🦆覺得呢度嘅北京填鴨肥瘦適中，唔會過肥，唔驚食兩嚿就食唔落，而且鴨油脂嘅部份好甘香，並且唔會有鴨「酥」味，不過佢一定要叫全隻，如果有得叫半隻應該會多啲嚟食。仲有一樣好處，就係佢上菜唔洗等好耐。整體嚟講覺得佢呢間北京填鴨嘅質素，每一次都好平均。👍🏻👍🏻燒羊肉🐑頭一兩次食覺得好好味，所以今次再叫，不過今次就真係有D失望，一嚟到嘅時候見到賣相同平時已經有比較大嘅出入。以往嘅皮係好酥脆，而裏面係帶有少少肉汁。但係今次外層完全唔脆，表皮油淋淋，不過羊肉本身嘅味道係ok，唯有點多啲側邊嘅孜然粉辣椒粉……

和朋友相約晚飯，選在家傳滬曉。雖然朋友推介它的北京填鴨，說每次跟家人來都會吃，但另一朋友對填鴨沒興趣，我們這次就沒試了！醉鴨舌，份量不多，鴨舌肉厚，帶淡淡酒香，味道不錯，惟索價$98/碟，價錢有點偏貴。彩椒醬燒年糕牛柳粒，年糕份量不多，牛柳粒份量還可，牛柳粒有咬口又不會太韌。整碟菜式都算夠味，但不及想像中的惹味。麻醬雞絲拌麵 ($72)，朋友愛吃麵食而選這個。嚐了一些，麻醬的味道都是一般日式芝麻醬，不會難吃。雞絲份量足夠，麵條質感爽口，不會煮得糊糊的。砂鍋雲吞雞 (半隻)，可選一隻或半隻。湯底鮮香，帶微微金華火腿鹹香。津白吸盡湯的精華，好甜很好吃！雲吞飽滿紮實，雞肉仍保持嫩滑～～小籠包，皮薄肉香，充滿湯汁，好吃！炸銀絲卷，熱焫焫的上桌，賣相金黃，入口酥脆又帶點Q軟口感，不會太油膩。蘸煉奶吃就更為香甜滋味！家傳滬曉的食品定價略高，茶錢也要$14/位，比起近似類型的上海菜餐廳，茶錢也很貴呢！！

話說有日同朋友踩單車，踩到去大埔，突然之間肚餓想吃晚飯！就立即還車！再去大埔超級城搵野食！經過這間中式餐廳，就進入進食！才知道這間中式餐廳的片皮鴨好好味道！皮脆肉嫩！值得推薦！其他上海菜也好好味道！下次經過會再食

以前住大埔的時候，家傳戶曉差唔多是我哋全家的食堂，因為地點方便，就在大埔中心一田附近，座位又舒適寛敝，又有午市套餐及有中式茶提供。不過搬走之後，今次已相隔三年再光顧，水準都能保持。今次我們一行8人為慶祝父親節而來，預早訂了馳名的北京填鴨，聽聞每枱客多數都會點，因為味道不錯亦有特色。皮脆肉嫩，薄餅又夠薄，配合青瓜、山渣條、大蒽同特製醬料，好好味。另外，我哋叫了蔥爆羊肉配薄餅、小籠包、小食雞絲粉皮、鴨舌。羊肉都夠淋同惹味，用中式薄餅夾好滋味，值得推介。小籠包都不差，皮薄餡靚。雞絲粉皮同鴨舌都算合格，不過就份量不多。蛋白瑤柱炒飯同炸銀絲卷就不過不失。飲品方面，有很多選擇，今次試咗話梅乳酸青檸、荔枝雪梨椰果紅茶同火龍果菠蘿蘆薈梳打，第二杯有半價優惠。我覺得最好飲就係荔枝雪梨椰果紅茶。最值得一提是其中一位侍應哥哥叫Andy非常專業有禮，值得一讚，因當日我小孩為小事發脾氣，但佢仍然耐心聆聽，又細心介紹每個菜式。