影片
更多
2023-01-15
384 瀏覽
Openrice見都幾高評分，啲相又幾靚所以去試下。星期日，大概係3點入坐，場內無咩人，環境同衛生都唔錯。2個人叫咗3樣嘢+杯嘢飲。/////1）酸甜香芒魷魚沙律 $78魷魚都幾彈牙，不過重鹹重酸，感覺似係將罐頭菠蘿入面啲水倒晒落去浸住個沙律咁（下圖），其實倒走啲水，成個沙律就正常好多。/////2）泰式醉貓炒新鮮手造卷粉 $128第一次食卷粉，睇落似係卷曲嘅河粉，咬落煙煙韌韌，我唔肯定佢本身嘅質地係唔係咁，不過幾好食👍🏽另外，碟炒卷粉加咗啲切粒嘅豆角，增加咗口感之餘，仲可以去除少少油膩感，唔錯！/////3）脆煎蠔餅 $168Size唔算大件，張相睇落大件係因為隻碟細。我將佢切成5份，有3份有蠔，有2份得麵粉，而成件蠔餅啲蠔加加埋埋得6粒，如果係4人以上進餐，建議一係就叫多件，一係就唔好嗌，免得有人揀咗件得麵粉嘅蠔餅而唔開心☹️其實味道係唔錯，不過性價比就好低。/////4）阿閒泰奶茶配自家奶茶雪條 $68上枱時職員有講解食法，就係要杯熱奶倒落去條雪條度，然後等條雪條溶溶地再將樽茶倒埋落去。係條雪條半溶嘅時候，飲落好淡；全溶嘅時候先飲得出係杯奶茶。雖然無咩出彩嘅表演，不過比起平常嘅泰式
星期日，大概係3點入坐，場內無咩人，環境同衛生都唔錯。
2個人叫咗3樣嘢+杯嘢飲。
/////
酸甜香芒魷魚沙律
$78
18 瀏覽
0 讚好
0 留言
1）酸甜香芒魷魚沙律 $78
魷魚都幾彈牙，不過重鹹重酸，感覺似係將罐頭菠蘿入面啲水倒晒落去浸住個沙律咁（下圖），其實倒走啲水，成個沙律就正常好多。
/////
泰式醉貓炒新鮮手造卷粉
$128
51 瀏覽
0 讚好
0 留言
2）泰式醉貓炒新鮮手造卷粉 $128
第一次食卷粉，睇落似係卷曲嘅河粉，咬落煙煙韌韌，我唔肯定佢本身嘅質地係唔係咁，不過幾好食👍🏽
另外，碟炒卷粉加咗啲切粒嘅豆角，增加咗口感之餘，仲可以去除少少油膩感，唔錯！
/////
脆煎蠔餅
$168
39 瀏覽
0 讚好
0 留言
3）脆煎蠔餅 $168
Size唔算大件，張相睇落大件係因為隻碟細。
我將佢切成5份，有3份有蠔，有2份得麵粉，而成件蠔餅啲蠔加加埋埋得6粒，如果係4人以上進餐，建議一係就叫多件，一係就唔好嗌，免得有人揀咗件得麵粉嘅蠔餅而唔開心☹️
其實味道係唔錯，不過性價比就好低。
/////
阿閒泰奶茶配自家奶茶雪條
$68
30 瀏覽
0 讚好
0 留言
4）阿閒泰奶茶配自家奶茶雪條 $68
上枱時職員有講解食法，就係要杯熱奶倒落去條雪條度，然後等條雪條溶溶地再將樽茶倒埋落去。
係條雪條半溶嘅時候，飲落好淡；全溶嘅時候先飲得出係杯奶茶。
雖然無咩出彩嘅表演，不過比起平常嘅泰式奶茶嘅甜度，呢杯奶茶嘅甜度我覺得係適中，奶味同茶味都飲到，條雪條溶晒之後仲有啲類似奶茶凍（我希望係）之類嘅物體有啲口感。
/////
埋單+1 =$486
張貼
