荳子 (新城市中央廣場)

營業中

休息中

由於要等候攞passport，見有個半鐘，就去左附近搵野食。第一次黎呢到咋～進入前，會比你選擇香薰味既消毒噴霧，消毒雙手，好特別。我地一行3人，叫左烟三文魚 egg benedict，甲羅燒意粉同芝士黑松露意大利飯。試左佢個蘑菇湯，好足料呀3樣野，最好味都係egg Benedict（難怪見好多人order) ，飯同意粉都好飽肚。特別係意粉，好似有蛋黃一齊整，食少少已經好足夠。食完主菜，梗係想食甜品啦～朱古力奶係小朋友既，唔計算呢個朱古力mossy ，唔甜好濃朱古力味，唔錯呢個係好有驚喜，因為好靚呀。幾粒爆粟，有個小小既心太軟，唔甜，好正，中間係nuts 同士多啤梨乾，好特別，好開胃，主角係焦糖燉蛋，焦糖好脆，蛋好滑，超好味。整體食物唔錯，唔算貴。但服務真的有待改善。