魚川居 (已搬遷) 新店位置

觀塘區返工每一日都忙碌， 中午搵餐晏晝都唔係咁容易。朋友介紹， 工廈入面有一間川菜係優質嘅， 而且午餐價廉物美， 今日決定一戰。中午嚟講呢度嘅人流唔算真係好多， 所以都可以算係休憩嘅好去處。水煮魚米線，$60。 呢度嘅秘製水主系列有好多唔同嘅材料選擇， 除咗魚之外， 仲有雞翼，豬肉，同埋羊肉等等。 水煮魚個湯夠麻夠辣， 味道算係幾濃烈， 同米線一齊食係十分好味。 水煮魚嘅魚都十分彈牙， 而且魚嘅份量唔算少， 整體嚟講算係幾足料。