華苑潮州餐廳 (已結業)

平時食潮州菜會去銅鑼灣新光，個日係尖沙咀超想打冷，其實間野唔錯喎真係，不過我依然覺得新光更好味。醃司蚶好鬼鮮甜，粒粒都洗得好乾淨無任何沙，個汁咸咸辣辣好惹味，食到停唔到口。炒魚麵就一般，唔係唔好味，而係佢個魚麵好似係一大舊魚片中切一條條出黎咁。同我心目中有d唔同。我個人超級鍾意食芋茸香酥鴨，呢間都唔錯，不過我覺得芋茸略嫌多左，遮左鴨嘅香。我地仲叫左鹵水鵝片拼鵝腸，碟野頗貴，不過2個女仔想2樣都食，焗叫啦，味道都唔錯，記得問佢地攞辣椒油，點左更出色！